یادداشته‌‌كانی دوكتور قاسملوو

20-04-1388

فه‌‌ریدوون ئه‌‌رشه‌‌دی

له‌‌ نێو ژیانی كه‌‌سایه‌‌تییه‌‌ دیاره‌‌كانی مێژوودا ، له‌‌ بوارگه‌‌لی جیاوازی وه‌‌كوو سیاسه‌‌ت ، زانست ، مێژوو ، هونه‌‌ر و... نوسینی یاداشت ، نه‌‌ریتێكی باوه‌‌ و زۆرترین زانیارییه‌‌ تایبه‌‌ته‌‌كان له‌‌و یاداشتانه‌‌دا سه‌‌باره‌‌ت به‌‌ چۆنیه‌‌تیی بیركردنه‌‌وه‌‌ی ئه‌‌م كه‌‌سایه‌‌تییانه‌‌ و ڕوانینیان بۆ رووداوه‌‌كان و هه‌‌ڵسوكه‌‌وتیان له‌‌ گه‌‌ڵ كه‌‌سه‌‌كانی دیكه‌‌ ، وه‌‌دیار ده‌‌كه‌‌ون . له‌‌ هه‌‌مان كاتدا ئه‌‌م كه‌‌سایه‌‌تییانه‌‌ كه‌‌ به‌‌ شێوه‌‌یه‌‌ك له‌‌ شێوه‌‌كان و ته‌‌نانه‌‌ت ڕاسته‌‌وخۆ، له‌‌ ره‌‌وتی به‌‌ره‌‌وپێشبردنی بوارێك له‌‌ بواره‌‌كانی نێو كۆمه‌‌ڵگای خۆیاندا كاریگه‌‌رییان هه‌‌بوو ، به‌‌

شێوه‌‌ی ڕۆژانه‌‌ یان حه‌‌فتانه‌‌ ، هه‌‌وڵیان داوه‌‌ به‌‌ كورتیش بووه‌‌ ، لاپه‌ڕه‌‌یه‌‌ك ده‌‌رباره‌‌ی دیداره‌‌كانیان ده‌‌گه‌‌ڵ كه‌‌ساتییه‌‌كانی دیكه‌‌ ، بۆچوونیان له‌‌ سه‌‌ر رووداوه‌‌ گرینگه‌‌كان ، كار و كرده‌‌ی كه‌‌سانی ده‌‌وروپشتیان و هه‌‌ڵسه‌‌نگاندنی شێوازی كاری ئه‌‌و سازمان و رێكخراوه‌‌ی تێیدا چالاكن ، بنووسنه‌‌وه‌‌ .

شه‌هید دوكتور عه‌‌بدولڕه‌‌حمان قاسملوو ، كه‌‌سایه‌‌تییه‌‌كی دیاری مێژووی هاوچه‌‌رخی كوردستان به‌‌گشتی و رۆژهه‌‌ڵاتی كوردستان به‌‌تایبه‌‌تییه‌‌. ئه‌‌م كه‌‌سایه‌‌تییه‌‌ كه‌‌م وێنه‌‌یه‌‌ ، له‌‌سه‌‌ره‌‌تای لاوه‌‌تییدا له‌‌ ئاستی كوردستان و ئێران ، تیكه‌‌ڵ به‌‌ كاری سیاسی ده‌‌بێت، پاشان بۆ درێژه‌‌دان به‌‌ خوێندن ده‌‌چێته‌‌ وڵاتێكی ئورووپایی ، ده‌‌بێته‌‌ مامۆستای زانكۆ. له‌‌ گه‌‌ڵ ده‌‌یان كه‌‌سایه‌‌تیی زانستی و سیاسی له‌‌ وڵاتی چكوسلواكی ئاشنا ده‌‌بێت و دژ به‌‌ سیسته‌‌می زاڵی ئه‌‌و وڵاته‌‌ خه‌‌بات ده‌‌كات. له‌‌ چاره‌‌نووسسازترین كاته‌‌كانی مێژووی هاوچه‌‌رخی كورددا، ده‌‌بێته‌‌ سكرتێری حیزبێكی گه‌‌وره‌‌ی وه‌‌كوو حیزبی دێموكراتی كوردستانی ئێران . له‌‌گه‌‌ڵ زۆربه‌‌ی سه‌‌ركرده‌‌كانی ئه‌‌و كاتی بزووتنه‌‌وه‌‌ی كوردی و ئێرانی و له‌‌ هه‌‌مان كاتدا له‌‌گه‌‌ڵ گه‌‌وره‌‌ترین دیپلۆماته‌‌كانی وڵاتانی ئوروپایی و ناوچه‌‌ی رۆژهه‌‌ڵاتی نێوه‌ڕاست پێوه‌‌ندیی راسته‌‌وخۆو ناڕاسته‌‌وخۆی ده‌‌بێت .
ژیانی دكتور قاسملو له‌‌م بواره‌‌دا هێنده‌‌ پڕاوپڕه‌‌ له‌‌ روودا و دیدار و كات و ساتی ده‌‌گمه‌‌ن ، كه‌‌ خۆی له‌‌ خۆیدا هه‌‌وێنی چه‌‌ندین لێكۆڵینه‌‌وه‌‌یه‌‌.
خاڵی جێی سرنج ئه‌‌وه‌‌یه‌‌ كه‌‌ له‌‌م ژیانه‌‌ پڕبه‌ها و پڕ ناوه‌‌رۆكه‌‌دا ، تا ئێستا یه‌‌ك لاپه‌ڕه‌‌ له‌ یادداشته‌‌كانی ئه‌‌م رێبه‌‌ر و دیپلۆماته‌‌ گه‌‌وره‌‌یه‌‌ نه‌‌كه‌‌وتووته‌‌ پێش چاوی خوێنه‌‌ری كورد و بیانی !!
ئایا به‌ڕاستی شه‌هید قاسملوو ، به‌‌و ژیانه‌‌ تایبه‌‌ت و ئه‌‌ندێشه‌‌ی پڕبارو كاری به‌‌رده‌‌وامی زانستی وسیاسی و دیپلۆماسیی كه‌‌م وێنه‌‌وه‌‌‌ ، هیچ یاداشتێكی شه‌‌خسی و ڕۆژانه‌‌ی نه‌‌بووه‌‌ ؟
به‌‌ باوڕی من ، ناكرێ و زه‌‌حمه‌‌ته‌‌ باوه‌ڕكردن به‌‌م هه‌‌ڵه‌‌یه‌‌ كه‌‌ دوكتور قاسملوو له‌‌ ژیانی رۆژانه‌‌ی خۆیدا ، هیچ مه‌‌سه‌‌له‌‌یه‌‌كی بۆ یاداشت كردن و هێشتنه‌‌وه‌‌ی بۆ كاتی رێك‌و پێككردنی بیره‌‌وه‌‌رییه‌‌كانی و خستنه‌‌ رووی لایه‌‌نه‌‌ شاراوه‌‌كانی كار و خه‌‌باتی خۆی و حیزبه‌‌كه‌‌ی و بزووتنه‌‌وه‌‌ی كوردی و فارسی به‌‌گشتی و كوردستانی ئێران به‌‌تایبه‌‌تی ، نه‌‌نووسیبێ .
له‌‌ بیسته‌‌مین ساڵیادی تێرۆری نامرۆڤانه‌‌ی ئه‌‌م رێبه‌‌ره‌‌ شه‌هیده‌‌دا ، جێی خۆیه‌‌تی كه‌‌ ئه‌‌م پرسیاره‌‌ گرینگه‌‌ بكه‌‌ین كه‌‌ داخوا یاداشته‌‌كانی دوكتور قاسملو له‌‌ كوێن ؟
بێگومان دۆزینه‌‌وه‌‌ی یادداشته‌‌كانی ئه‌‌و مرۆڤه‌‌ كه‌‌م وێنه‌‌یه‌‌ ، كه‌‌ له‌‌ بوارگه‌‌لی جۆراوجۆردا له‌‌ رێزی هه‌‌ره‌‌ پێشه‌‌وه‌‌ هه‌‌نگاوی ناوه‌‌ ، یارمه‌‌تییه‌‌كی هه‌‌ره‌‌ مه‌‌زنه‌‌ بۆ ناساندنی كه‌‌سایه‌‌تیی خودی خۆی و له‌‌ هه‌‌مان كاتدا روونكردنه‌‌وه‌‌ی لایه‌‌نه‌‌ تاریك و ناروونه‌‌كانی خه‌‌باتی گه‌‌له‌‌كه‌‌مان.