|
سهرجهم گهلانی ئێران
به ههمو وزهو تواناوه له ههوڵی ئهوه دابون كه به هێنانه سهركاری
حكومهتێكی خهڵكی كۆتایی به مرۆڤكوژیو دیكتاتۆری بێنن. لهو سهروبهندهدا
كۆمهڵێك ئاخوندی ههلپهرست دهستكهوتهكانی شۆِرشیان پاوان كرد. له بهر ئهوهی
ئاخونده به دهسهڵات گهیشتوهكانو له سهروی ههمویان شهخسی خومهینی، دهیانزانی
بیروڕاكهیان لهگهڵ خواستی گهلانی ئێراندا ناگونجێ، بڕیاریان دا له ههرچهشنه
كارو ئامرازێك بۆ پاراستنو مانو مهوجودیهتی كۆماری ئیسلامی كهڵك وهربگرن.
ئهوهی لهم وتارهدا دهكهوێته
بهرباس و لێدوان، ئاوڕێكی خێرا بهسهر چۆنیهتی عهمهلیاتی تێرۆری نهیارانی
كۆماری ئیسلامی له لایهن دهزگاكانی زانیاری رێژیمهوهیه كه تاقه مهبهست
لهم تێرۆرانهدا لهنێوبردنی نهیاران بۆ پارستنی رێژیمی ئیسلامیی ئێرانه.
گرینگترین دهزگا جاسوسیو تێرۆریستییهكانی رێژیمی ئێران بریتین له:
ـ وهزارهتی "ئیتلاعات"ی كۆماری ئیسلامی
ـ دامودهزگای ئیتلاعاتی سوپای پاسداران (هێزی قودس)
ـ دهزگای جاسوسیی ئهرتهش
ـ كۆمیتهی عهمهلیاتی تایبهت (ویژه)
1ـ وهزارهتی ئیتلاعات: له یاساو ئایینامهی نێوخۆیی دهوڵهتی ئیسلامیی
ئێراندا، ئهم وهزارهته ئهركی كۆكردنهوهی زانیاری بۆ پارستنی ئاسایشی
وڵاتی له ئهستۆیه، بهڵام له راستیدا گرینگترین دهزگای جاسوسیی رێژیم كه به
"واواك" ناسراوه، واته، "وهزارهتی ئیتلاعاتیو ئهمنییهتی وڵات" گرینگترین
ئهركی ئهم دهزگایه تێرۆری كهسایهتییه ناسراوهكانی ئۆپۆزیسیۆنی ئێرانییه.
ئهم وهزارهته بێجگه له ههوڵی تێرۆری كهسایهتییه ناسراو و نهیارهكانی
رێژیم كۆمهڵێك ئهركی دیكه رادهپهڕێنێ، لهوانه:
الف) ـ پاراستنی ئاسایشی نێوخۆیی: ئهوهی جێگای سهرنجو تێڕامانه، لهم بهشهدا
"واواك" به كهڵك وهرگرتن له بوجهیهكی زۆر كه بۆی دیاری كراوه، ههوڵی
ئهوه دهدا كه سهرجهم ئهو ههوڵانهی كه كیانی دهسهڵات دهخهنه مهترسییهوه،
بدۆزێتهوه تا به دڕندانهترین شێوه ههڵسوكهوتیان لهگهڵدا بكا. جێبهجێكردنی
ساڵانهی دهیان ئێعدامی خهڵكی بێتاوان، ئهشكهنجهدانی دژی مرۆڤانهو...
كه له لایهن ئۆپۆزیسیۆنو رێكخراوهكانی پارستنی مافی مرۆڤ لهقاو دهدرێ له
ریزی ئهم ئهركه دژهمرۆییانهی وهزراهتی ئیتلاعاته.
ب) ـ كۆكردنهوهی زانیاری له دهرهوهی وڵات: كۆكردنهوهی زانیاریو بهتایبهتی
له وڵاتانی دراوسێی ئێرانو ئهو وڵاتانهی كوردی تێدا دهژی یهكێكی دیكه
له ئهركهكانی وهزارهتی ئیتلاعاته. ئهوهی جێگای سهرنجه لهم بهشهدا
تێكدانی ئهزمونی سهركهوتوی باشوری كوردستانه چونكه وادهزانێ كه ئهم ئهزمونه
باندۆری لهسهر بهشهكانی دیكهی كوردستانو به تایبهتی كوردستانی ئێران
ههیه، بهم چهشنه به ههمو هێزو تواناوه له لایهك بیر له تێكشكاندنی ئهم
ئهزمونه دهكاتهوهو له لایهكی دیكهوه له رێگای دهزگا سیخۆڕهكانی
خۆیهوه له ههوڵی تێرۆری كادرو ئهندامانی ئۆپۆزیسیۆنی كوردی دایه،
دیارترینو بهرچاوترین تێرۆرهكان شههیدكردنی زیاتر له 150 كادرو پێشمهرگهی
حیزبی دێموكراتی كوردستانی ئێران له لایهن سیخۆڕهكانی سهر به وهزارهتی
ئیتلاعات له باشوری كوردستانه.
ج) ـ هاوكاری كردنی كۆمیتهی تایبهت "واواك": یهكێك له گرینگرترین
ئهندامهكانی كۆمیتهی عهمهلیاتی تایبهتییه كه ئهم كۆمیتهیهی رێژیم
پاش شههید كردنی دوكتور سادق شهرهفكهندیو هاوڕێیانی له ئاڵمان له دادگای
میكۆنوس پهرده لهسهر جینایهتهكانی لادرا كه له بهشهكانی دیكهی ئهم
وتارهدا به وردی لهسهری دهدوێین.
بۆ ئهوهی "واواك" وهك گرینگترین دهزگای جاسوسیی رێژیم، له ئهركهكانی
سهركهوتن به دهست بێنێ. له لایهن پارلمانی وڵات یاسای تایبهتی بۆ
داڕێژراوهو بۆ ئهندامهكانی كۆمهڵێك ئیمتیازی بهرچاو دانراوه كه بریتین
له:
ئهلف ـ دابینكردنی خانووبهرهی تایبهت بۆ ئهندامهكان.
ب ـ دابینكردنی خهرجیو پشتیوانی بههێزی ماڵی.
ج ـ كاتێك له دهروهی وڵات ئهندامێكی گیرا، موچهی بنهماڵهكهی دوقات
دهبێ.
د ـ به پێی بیرو ئهندیشهی كۆنهپهرستانهی خۆیان، زۆرجار بهرپرسان بۆ
ئهندامهكانی ئهم وهزارهته باس له پاداشتی ئاسمانیش دهكهن]!
