په‌یامی‌ به‌ڕێز كاك مسته‌فا هیجری‌ بۆ به‌ڕێز مام جه‌لال، سكرتێری‌ گشتیی‌ یه‌كیه‌تیی‌ نیشتمانیی‌ كوردستان، به‌ بۆنه‌ی‌ یه‌كگرتنه‌وه‌ی‌ هه‌ردوو ئیداره‌ی‌ هه‌رێمی‌ كوردستان

به‌ڕێز جه‌نابی‌ مام جه‌لال سكرتێری‌ گشتیی‌ یه‌كیه‌تیی‌ نیشتمانیی‌ كوردستان
سڵاوێكی‌ گه‌رم!
خه‌به‌ری‌ یه‌كگرتنه‌وه‌ی‌ دوو ئیداره‌ی‌ حكوومه‌تی‌ هه‌رێم له‌ رۆژانی‌ جێژنی‌ قورباندا خه‌به‌رێكی‌ خۆش بوو كه‌ هه‌موو كوردێكی‌ نیشتمانپه‌روه‌ر به‌ تاسه‌وه‌ چاوه‌ڕوانی‌ ده‌كرد. له‌ كه‌س شاراوه‌ نیه‌ كه‌ به‌ئاكام گه‌یشتنی‌ ئه‌م پرۆسه‌یه‌ نه‌تیجه‌ی‌ ده‌وری‌ جه‌نابتان‌و به‌ڕێز كاك مسعود بازانی‌و دڵسۆزیی‌ هه‌ردووك مه‌كته‌بی‌ سیاسیی‌ یه‌كیه‌تیی‌ نیشتمانی‌و پارتی‌ دێموكراتی‌ كوردستان بوو. به‌م بۆنه‌وه‌و هه‌روه‌ها به‌بۆنه‌ی‌ جێژنی‌ قوربان پیرۆزبایی‌ له‌ به‌ڕێزتان‌و سه‌رجه‌م گه‌لی‌ كورد ده‌كه‌ین.

ئه‌و هه‌نگاوه‌ به‌نرخه‌ هیوادارمان ده‌كا كه‌ سه‌رفه‌سڵێكی‌ نوێ‌ له‌ پێوه‌ندی‌ نێوان دوو هێزی‌ سه‌ركیی‌ كوردستان‌و باقی‌ هێزه‌ دێموكراته‌كانی‌ كوردستانی‌ عێراق ده‌ست پێ‌بكا كه‌ ئاكامه‌كه‌ی‌ په‌ره‌پێدانی‌ زیاتری‌ دێموكراسی‌و خۆشگوزه‌رانی‌ دانیشتوانی‌ ئه‌م به‌شه‌ له‌ كوردستان بێ‌و سه‌قامگیری‌یه‌كی‌ به‌هێز بۆ حكوومه‌ته‌كه‌ی‌ فه‌راهه‌م بكا.

حیزبی‌ دێموكراتی‌ كوردستانی‌ ئێران
سكرتێری‌ گشتی‌
مسته‌فا هیجری‌
2006/1/8 ، 18/10/1384