په‌یامی‌ سه‌ره‌خۆشیی‌ سكرتێری‌ گشتیی‌ حیزب بۆ بنه‌ماڵه‌ی‌ دوكتور ئومید داوه‌ری‌

بۆ بنه‌ماڵه‌ی‌ دوكتور ئومیدی‌ خۆشه‌ویست!
كۆچی‌ ناواده‌ی‌ هاوڕێی‌ خۆشه‌ویست‌و ئه‌ندامی‌ دڵسۆزی‌ حیزبه‌كه‌مان، دوكتور ئومید په‌ژاره‌یه‌كه‌ گه‌وره‌ بوو بۆ هه‌موومان. له‌ ئاخر دیدارم دا له‌گه‌ڵی‌ به‌ تاسه‌وه‌ خۆی‌ ئاماده‌ده‌كرد بگه‌ڕێته‌وه‌ نێو پێشمه‌رگه‌كان‌و ئه‌وه‌ی‌ فێری‌ بووه‌ به‌ شاره‌زایی‌‌و پسپۆڕییه‌كی‌ به‌رز له‌ خزمه‌تی‌ ئه‌وانی‌ دابنێ‌. هه‌موو ئاماده‌كاری‌یه‌كی‌ بۆ كرا به‌ڵام به‌ داخه‌وه‌ نه‌خۆشی‌ توانای‌ لێ‌بڕی‌‌و مه‌رگی‌ ناواده‌ نه‌یهێشت پێشمه‌رگه‌كان به‌ دیداری‌ شاد بن‌و ئه‌ویش به‌و ئاواته‌ی‌ خۆی‌ بگا.
له‌ده‌ست چوونی‌ ئومید خه‌سارێكی‌ گه‌وره‌ بوو. به‌و بۆنه‌وه‌ سه‌ره‌خۆشی‌ له‌ خێزانی‌و باقی‌ ئه‌ندامانی‌ بنه‌ماڵه‌كه‌ی‌ ده‌كه‌م‌و خۆم به‌ به‌شداری‌ ماته‌میان ده‌زانم.

مسته‌فا هیجری‌
سكرتێری‌ گشتیی‌ حیزبی‌ دێموكراتی‌ كوردستانی‌ ئێران
26/1/2006