په‌یامی‌ پیرۆزبایی‌ به‌ڕێز كاك مسته‌فا هیجری‌

به‌بۆنه‌ی‌ دووباره‌ هه‌ڵبژاردنه‌وه‌ی‌ به‌ڕێز مام جه‌لال تاڵه‌بانی‌ به‌ سه‌رۆك كۆماری‌ عێراق

زۆر به‌ڕێز جه‌نابی‌ مام جه‌لال!
وێڕای‌ سڵاوو حورمه‌ت
هه‌ڵبژاردنی‌ دووباره‌ی‌ به‌ڕێزتان له‌لایه‌ن پارلمانی‌ عێراق بۆ سه‌رۆك كۆماری‌ ئه‌و وڵاته‌ جێگای‌ خۆشحاڵیی‌ ئێمه‌و هه‌موو دڵسۆزان‌و دۆستانی‌ گه‌لی‌ كورده‌.
به‌م بۆنه‌وه‌ گه‌رمترین پیرۆزبایی‌ خۆمان ئاراسته‌ی‌ به‌ڕێزتان ده‌كه‌ین‌و ئاواته‌خوازین له‌سایه‌ی‌ لێهاتوویی‌‌و ئه‌زموونی‌ به‌نرخی‌ ساڵانی‌ خه‌بات‌و سه‌ركردایه‌تیتان دا، عێراق به‌ره‌و ئارامی‌‌و ئاوه‌دانی‌ بچێ‌‌و گه‌لانی‌ عێراق به‌ به‌خته‌وه‌ری‌‌و برایتی‌ بژین.

حیزبی‌ دێموكراتی‌ كوردستانی‌ ئێران
سكرتێری‌ گشتی‌
مسته‌فا هیجری‌
پاریس- 23ی‌ ئاوریلی‌ 2006