دیداری‌ به‌ڕێز سكرتێری‌ گشتیی‌ حیزب له‌گه‌ڵ

به‌ڕێز "جومعه‌" ئه‌ندامی‌ به‌ڕێوه‌به‌ریی‌ رێكخراوی‌ توركمه‌ن سه‌حرا

كاتژمێر 7ی‌ ئێواره‌، رێكه‌وتی‌ 30/1/2005ی‌ زایینی‌، هاوڕێی‌ به‌ڕێز‌و تێكۆشه‌ر كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران به‌ هاوڕێیه‌تی‌ كاك عه‌بدولڕه‌زا كه‌ریمی‌، له‌گه‌ڵ‌ به‌ڕێز "جومعه‌"، ئه‌ندامی‌ به‌ڕێوه‌به‌ریی‌ رێكخراوی‌ توركمه‌ن سه‌حرا كۆبۆوه‌. له‌و دیداره‌دا كه‌ نزیكه‌ی‌ 2 كاتژمێری‌ خایاند، زۆر بابه‌تی‌ په‌یوه‌ندیدار به‌ ره‌وشی‌ ئێستای‌ ئێران‌و ناوچه‌ی‌ رۆژهه‌ڵاتی‌ نێوه‌ڕاست تاوتوێ‌ كران‌و ئاڵوگۆڕی‌ بیروڕایان له‌سه‌ر كرا‌و تیشك خرایه‌ سه‌ر رۆڵـی‌ چاره‌نووسسازی‌ بزاڤی‌ گه‌لانی‌ ئێران له‌ خه‌بات دژی‌ سه‌ره‌ڕۆیی‌ مه‌زهه‌بی‌ له‌ ئێراندا‌و له‌سه‌ر هاوكاری‌‌و هاوخه‌باتیی‌ گه‌لی‌ كورد‌و توركمه‌ن سه‌حرا‌و پته‌وكردنی‌ هه‌رچی‌ زیاتری‌ په‌یوه‌ندی‌یه‌كانی‌ نێوان هه‌ردوولا، پێ‌ داگیرایه‌وه.