دیداری‌ به‌ڕێز سكرتێری‌ گشتیی‌ حیزب له‌گه‌ڵ‌ سكرتێری‌ گشتیی‌ ئه‌نتێرناسیۆنال سوسیالیست دا

رۆژی‌ 22ی‌ فێوریه‌ی‌ 2005ی‌ زایینی‌، كاتژمێر 5ی‌ ئێواره‌، هاوڕێی‌ به‌ڕێز‌و تێكۆشه‌ر كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران چاوی‌ كه‌وت به‌ رێزدار "لویس ئایالا"، سكرتێری‌ گشتیی‌ ئه‌نتێرناسیونال سوسیالیست. له‌و دیداره‌دا ره‌وشی‌ سیاسیی‌ رۆژهه‌ڵاتی‌ نێوه‌ڕاست‌و خه‌باتی‌ خه‌ڵكی‌ ئێران بۆ دێموكراسی‌‌و هێنانه‌سه‌ركاری‌ نیزامێكی‌ دێموكراتیك له‌ ئێران‌و كارو چالاكی‌یه‌كانی‌ ئه‌نتێرناسیونال سوسیالیست كه‌وتنه‌ به‌رباس‌و ئاڵوگۆڕی‌ بیروڕایان له‌سه‌ر كرا.

به‌ڕێز لویس ئایالا سه‌فه‌ری‌ به‌ڕێز كاك مسته‌فا هیجری‌ به‌ سه‌فه‌رێكی‌ پڕده‌ستكه‌وت له‌قه‌ڵه‌م دا‌و باسی‌ ده‌ره‌نجامه‌كانی‌ سه‌فه‌ری‌ خۆی‌ بۆ مۆسكۆ‌و چێچێن كرد‌و هیوای‌ خواست گه‌لی‌ كورد به‌ ماف‌و ئازادی‌یه‌كانی‌ خۆی‌ له‌ ئێراندا شاد ببێت.
شایانی‌ باسه‌ له‌و دیدارانه‌دا هاوڕێیان كاك شاهۆ حسێنی‌، نوێنه‌ری‌ حیزب له‌ ده‌ره‌وه‌ی‌ وڵات‌و كاك مه‌ولوود سواره‌ به‌رپرسی پێوه‌ندی‌یه‌کانی حیزب له بریتانیا ، سكرتێری‌ حیزبیان هاوڕێیه‌تی‌ ده‌كرد.