دیداری‌ به‌ڕێز سكرتێری‌ گشتیی‌ حیزب له‌گه‌ڵ‌ "باب سپینك" نوێنه‌ری‌ مه‌جلیسی‌ عه‌وامی‌ ئینگلستان

كاتژمێر 1ی‌ پاشنیوه‌ڕۆ، رێكه‌وتی‌ 21ی‌ فێوریه‌ی‌ 2005ی‌ زایینی‌، هاوڕێی‌ به‌ڕێز‌و تێكۆشه‌ر كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران چاوی‌ كه‌وت به‌ رێزدار "باب سپینك"، نوێنه‌ری‌ پارلـمانی‌ بریتانیا له‌ حیزبی‌ پارێزگاران. به‌ڕێز سكرتێری‌ گشتیی‌ حیزب له‌و دیداره‌دا به‌ وردی‌ تیشكی‌ خسته‌ سه‌ر دۆزی‌ ره‌وای‌ گه‌لی‌ كورد له‌ رۆژهه‌ڵاتی‌ نێوه‌ڕاست‌و سیاسه‌ته‌كانی‌ ئۆپۆزیسیۆنی‌ ئێرانی‌ له‌ هه‌مبه‌ر كۆماری‌ ئیسلامی‌دا به‌

ئاگاداری‌ به‌ڕێزیان گه‌یاند. ته‌وه‌ره‌یه‌كی‌ دیكه‌ی‌ ئه‌و دیداره‌كه‌ ته‌رخان كرا بۆ تاوتوێ‌كردنی‌ كێشه‌كانی‌ رۆژهه‌ڵاتی‌ نێوه‌ڕاست‌و هه‌ڵبژاردنه‌ مێژوویی‌یه‌كه‌ی‌ ئه‌م دواییانه‌ی‌ عێراق‌و كاریگه‌ریی‌ پۆزه‌تیڤی‌ ئه‌و هه‌ڵبژاردنه‌ له‌ ره‌وتی‌ دێموكراسیزاسیۆنی‌ رۆژهه‌ڵاتی‌ نێوه‌ڕاستدا. به‌ڕێز دوكتور باب ئه‌و كۆبوونه‌وه‌یه‌ی‌ به‌رز نرخاند‌و سوپاسی‌ سكرتێری‌ گشتیی‌ حیزبه‌كه‌مانی‌ كرد بۆ ئه‌و دیداره‌‌و هیوای‌ خواست حیزبی‌ دێموكراتی‌ كوردستانی‌ ئێران‌و گه‌لی‌ كورد به‌ ئامانجه‌ ره‌واكانیان شاد ببن.