به‌شداری‌ به‌ڕێز سكرتێری‌ گشتیی‌ حیزب له‌ كۆبوونه‌وه‌ی‌ به‌رفراوانی‌ گه‌لانی‌ ژێر ده‌ستی‌ ئێران دا

رۆژی‌ 19ی‌ فێوریه‌ی‌ 2005ی‌ زایینی‌، هاوڕێی‌ به‌ڕێز‌و تێكۆشه‌ر كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران به‌شداری‌ كرد له‌ كۆبوونه‌وه‌یه‌كی‌ به‌رفراوانی‌ 14 رێكخراوی‌ گه‌لانی‌ بنده‌ستدا. ئه‌و كۆبوونه‌وه‌یه‌ كه‌ له‌ شاری‌ له‌نده‌ن‌و له‌ "كیتێرینگتۆن هوتێل هلتۆن" به‌ڕێوه‌چوو، چه‌ند گه‌ڵاڵه‌ بۆ دروستكردنی‌ به‌ره‌یه‌كی‌ یه‌كگرتووی‌ گه‌لانی‌

بنده‌ستی‌ ئێران خرانه‌ ڕوو. دوای باس و لێکۆڵینه‌وه‌یه‌کی چڕوپڕ سه‌ره‌نجام 7 ڕێکخراو له‌ سه‌ر پلاتفۆرمێک ساغ بوونه‌وه و له‌و باره‌وه به‌یاننامه‌یه‌کیان ئیمزا کرد.
ئه‌و رێكخراوانه‌ بریتی‌ بوون له‌:
1ـ حیزبی‌ دێموكراتی‌ كوردستانی‌ ئێران
2ـ به‌ره‌ی‌ یه‌كگرتووی‌ به‌لووچستان
3ـ بزاڤی‌ فیدرال دێموكراتی‌ ئازه‌ربایجان
4ـ حیزبی‌ هاوپێوه‌ندیی‌ دێموكراتیكی‌ ئه‌حواز
5ـ بزاڤی‌ به‌رگری‌ له‌ مافه‌ نه‌ته‌وایه‌تی‌یه‌كانی‌ گه‌لی‌ توركمه‌ن
6ـ حیزبی‌ خه‌ڵكی‌ به‌لووچستان
7ـ كۆمه‌ڵه‌ی‌ شۆڕشگێڕی‌ زه‌حمه‌تكێشانی‌ كوردستانی‌ ئێران