دیداری‌ به‌ڕێز سكرتێری‌ گشتیی‌ حیزب له‌گه‌ڵ‌ رێزدار "لۆرد ئیریك ئیڤیبری‌"

كاتژمێر 10ی‌ سه‌رله‌به‌یانیی‌ رێكه‌وتی‌ 18ی‌ فێوریه‌ی‌ 2005ی‌ زایینی‌، هاوڕێی‌ تێكۆشه‌ر كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران چاوی‌ كه‌وت به‌ رێزدار لۆرد ئیریك ئیڤیبری‌، سه‌رۆكی‌ مافی‌ مرۆڤـ له‌ پارلـمانی‌ بریتانیا. به‌ڕێز سكرتێری‌ گشتیی‌ حیزب له‌و دیداره‌دا تیشكی‌ خسته‌ سه‌ر ره‌وشی‌ رۆژهه‌ڵاتی‌ نێوه‌ڕاست به‌گشتی‌‌و سیاسه‌ته‌كانی‌ حیزبی‌ دێموكراتی‌ كوردستانی‌ ئێرانی‌ له‌و پێوه‌ندی‌یه‌دا شی‌

كرده‌وه‌. لۆرد ئیڤیبری‌ ئه‌و دانیشتنه‌ی‌ به‌رز نرخاند‌و پشتیوانیی‌ لێبڕاوانه‌ی‌ خۆی‌ بۆ داخوازه‌كانی‌ گه‌لی‌ كورد‌و گه‌لانی‌ ئێران بۆ دامه‌زراندنی‌ سیستمێكی‌ دێموكراتیكی‌ ـ فیدراڵـی‌ دووپات كرده‌وه‌. به‌ڕێز سكرتێری‌ گشتیی‌ حیزبیش سوپاسی‌ هه‌ڵوێستی‌ جوامێرانه‌ی‌ به‌ڕێزیانی‌ كرد.