دیداری‌ به‌ڕێز سكرتێری‌ گشتیی‌ حیزب له‌گه‌ڵ‌ باڵوێزی‌ یه‌كه‌می‌ توركیه‌ له‌ وڵاتی‌ ئینگلستان

كاتژمێر 3ی‌ پاشنیوه‌ڕۆی‌ رۆژی‌ 16ی‌ فێوریه‌ی‌ 2005ی‌ زایینی‌، هاوڕێی‌ تێكۆشه‌ر كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران چاوی‌ كه‌وت به‌ "چان دیزدار"، باڵوێزی‌ یه‌كه‌می‌ باڵوێزخانه‌ی‌ توركیه‌ له‌ وڵاتی‌ ئینگلستان.
به‌ڕێز سكرتێری‌ گشتیی‌ حیزبی‌ دێموكراتی‌ كوردستانی‌ ئێران له‌و دیداره‌دا تیشكی‌ خسته‌ سه‌ر ره‌وشی‌ رۆژهه‌ڵاتی‌ نێوه‌ڕاست به‌گشتی‌‌و دوا

ئاڵوگۆڕه‌كانی‌ ئێران به‌تایبه‌تی‌‌و سیاسه‌ته‌كانی‌ حیزبی‌ دێموكراتی‌ له‌و پێوه‌ندی‌یه‌دا روون كرده‌وه‌‌و رای‌گه‌یاند كه‌ ئێمه‌ خوازیاری‌ دامه‌زرانی‌ ئێرانێكی‌ دێموكراتیكی‌ فیدراڵین كه‌ تێی‌دا هه‌موو نه‌ته‌وه‌كانی‌ پێكهێنه‌ری‌ ئێران به‌شدار بن له‌ به‌ڕێوه‌بردنی‌ وڵاته‌كه‌یاندا. پاشان به‌ڕێز كاك مسته‌فا هیجری‌ ئاواتی‌ خواست كه‌ وڵاتی‌ توركیه‌ هه‌نگاوی‌ زێده‌تر بۆ چاره‌سه‌ری‌ كێشه‌ی‌ كوردان له‌و وڵاته‌دا هه‌ڵ‌هێنێته‌وه‌. له‌ كۆتایی‌ ئه‌و دیداره‌دا هه‌ردوولا خۆشحاڵیی‌ خۆیان له‌و دیداره‌ ده‌ربڕی‌‌و له‌سه‌ر به‌رده‌وامبوونی‌ ئه‌و چه‌شنه‌ په‌یوه‌ندییانه‌ پێیان داگرته‌وه‌.