دیداری‌ به‌ڕێز سكرتێری‌ گشتیی‌ حیزب له‌گه‌ڵ‌ ئه‌ندامان‌و لایه‌نگرانی‌ حیزب له‌ ئینگلستان

رۆژی‌ 12ی‌ فێوریه‌ی‌ 2005ی‌ زایینی‌، هاوڕێی‌ تێكۆشه‌ر كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران، كۆبوونه‌وه‌یه‌كی‌ بۆ ئه‌ندامان‌و لایه‌نگرانی‌ حیزب له‌ وڵاتی‌ ئینگلستان پێك هێنا. كۆبوونه‌وه‌كه‌ كاتژمێر 4ی‌ پاشنیوه‌ڕ‌و به‌ راگه‌یاندنی‌ ده‌قیقه‌یه‌ك بێده‌نگی‌ بۆ رێزگرتن له‌ گیانی‌ پاكی‌ شه‌هیدانی‌ رێگای‌ ئازادیی‌ كوردستان ده‌ستی‌ پێ‌كرد. پاشان رێزدار كاك مسته‌فا هیجری‌ به‌ وردی‌ تیشكی‌ خسته‌ سه‌ر ره‌وشی‌ ئێران‌و ناوچه‌ی‌ رۆژهه‌ڵاتی‌ نێوه‌ڕاست‌و كوردستان‌و سیاسه‌ت‌و هه‌ڵوێسته‌كانی‌ حیزبی‌ دێموكراتی‌ كوردستانی‌ ئێرانی‌ پاش كۆنگره‌ی‌ سێزده‌یه‌می‌ حیزب شی‌ كرده‌وه‌‌و ئه‌ركی‌ ئه‌ندامان‌و لایه‌نگرانی‌ تێكۆشه‌ری‌ حیزبه‌كه‌مانی‌ له‌ هه‌لومه‌رجی‌ ناسك‌و هه‌ستیاری‌ ئێستادا ده‌ست نیشان كرد.

پاش كۆتایی‌هاتنی‌ وته‌كانی‌ به‌ڕێز سكرتێری‌ گشتیی‌ حیزب، نۆره‌ گه‌یشته‌ پرسیاری‌ ئه‌ندامان‌و لایه‌نگرانی‌ حیزب‌و به‌ڕێز كاك مسته‌فا هیجری‌ به‌ وردی‌ وه‌ڵامی‌ هه‌موو پرسیاره‌كانی‌ به‌شداربووانی‌ دایه‌وه‌.