راپۆرتی‌ سه‌ردانی‌ هاوڕێی‌ تێكۆشه‌ر كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران له‌ وڵاتی‌ ئینگلستان‌و چاوپێكه‌وتنی‌ به‌ڕێزیان له‌گه‌ڵ‌ لێپرسراوان‌و كه‌سایه‌تی‌یه‌كان‌و سیاسه‌تڤانانی‌ ئه‌و وڵاته‌دا

هاوڕێی‌ به‌ڕێز‌و تێكۆشه‌ر كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران به‌ هاوڕێیه‌تی‌ به‌ڕێز كاك شاهۆ حسێنی‌، نوێنه‌ری‌ حیزب له‌ ده‌ره‌وه‌ی‌ وڵات، رۆژی‌ 10ی‌ فێوریه‌ی‌ 2005ی‌ زایینی‌ گه‌یشتنه‌ له‌نده‌ن، پایته‌ختی‌ وڵاتی‌ ئینگلستان‌و له‌ لایه‌ن ئه‌ندامانی‌ كومیته‌ی‌ حیزبی‌ دێموكراتی‌ كوردستانی‌ ئێران له‌ بریتانیا‌و هه‌روه‌ها نوێنه‌ری‌ به‌ڕێزان "تۆم كلارك"‌و "جێرمی‌ كوربین"، ئه‌ندامانی‌ پارلـمانی‌ بریتانیاوه‌ به‌ گه‌رمی‌ پێشوازییان لـێ‌كرا. به‌ڕێز سكرتێری‌ گشتیی‌ حیزبی‌ دێموكراتی‌ كوردستانی‌ ئێران، كۆمه‌ڵێك دیدار‌و چاوپێكه‌وتنی‌ گرنگی‌ له‌گه‌ڵ‌ كاربه‌ده‌ستان‌و سیاسه‌تڤانان‌و كه‌سایه‌تی‌یه‌كانی‌ وڵاتی‌ ئینگلستان ئه‌نجام دا، كه‌ كورته‌ی‌ ئه‌و چالاكی‌یانه‌تان پێشكه‌ش ده‌كرێت.