دیداری‌ به‌ڕێز سكرتێری‌ گشتیی‌ حیزب له‌گه‌ڵ‌ مامۆستا شێخ عیزه‌دین حسێنی‌دا

هاوڕێی‌ تێكۆشه‌ر كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران له‌ میانه‌ی‌ گه‌شه‌ته‌كه‌ی‌دا بۆ وڵاتی‌ سوئێد چاوی‌ كه‌وت به‌ كه‌سایه‌تیی‌ ناودار، به‌ڕێز مامۆستا شێخ عیزه‌دین حسێنی‌. له‌و دیداره‌دا به‌ڕێز سكرتێری‌ گشتیی‌ حیزب سیاسه‌ته‌كانی‌ حیزبی‌ دێموكراتی‌ كوردستانی‌ ئێرانی‌ سه‌باره‌ت به‌ ره‌وشی‌ ئێران‌و كوردستان‌و ناوچه‌ی‌ رۆژهه‌ڵاتی‌ نێوه‌ڕاست به‌ ئاگاداریی‌ مامۆستا شێخ عیزه‌دین گه‌یاند‌و له‌ كۆتایی‌دا به‌ڕێز مامۆستا شێخ عیزه‌دین حسێنی‌ سوپاسی‌ به‌ڕێز سكرتێری‌ گشتیی‌ حیزبی‌ بۆ ئه‌و دیداره‌ ده‌ربڕی‌.