سه‌ردانی‌ هاوڕێی‌ تێكۆشه‌ر كاك مسته‌فا هیجری‌، سكرتێری‌ گشتیی‌ حیزبی‌ دێموكراتی‌ كوردستانی‌ ئێران له‌ وڵاتی‌ سوئێد‌و كۆبوونه‌وه‌‌و دیدار له‌گه‌ڵ‌ كاربه‌ده‌ستانی‌ حكوومه‌تی‌‌و حیزبه‌ سیاسی‌یه‌كانی‌ سوئێد‌و كه‌سایه‌تی‌یه‌كانی‌ كورددا

له‌ درێژه‌ی‌ سه‌فه‌ره‌ سیاسی‌یه‌كه‌ی‌ به‌ڕێز سكرتێری‌ گشتیی‌ حیزبی‌ دێموكراتی‌ كوردستانی‌ ئێران بۆ ده‌ره‌وه‌ی‌ وڵات، هاوڕێی‌ تێكۆشه‌ر كاك مسته‌فا هیجری‌ پاش سه‌ردانی‌ وڵاته‌كانی‌ فه‌رانسه‌، ئیسپانیا، ئاڵمان‌و ئینگلستان، رێكه‌وتی‌ 24/2/2005ی‌ زایینی‌ گه‌یشته‌ وڵاتی‌ سوئێد.
به‌ڕێز سكرتێری‌ گشتیی‌ حیزب ماوه‌ی‌ هه‌فته‌یه‌ك له‌ وڵاتی‌ سوئێد مایه‌وه‌، جیا له‌ كۆبوونه‌وه‌ی‌ ته‌شكیلاتی‌‌و حیزبی‌‌و چاوپێكه‌وتن له‌گه‌ڵ‌ كه‌سایه‌تی‌یه‌كانی‌ كورددا، ئه‌م دیدار‌و چاوپێكه‌وتنانه‌ی‌ له‌گه‌ڵ‌ كاربه‌ده‌ستانی‌ حكوومه‌تی‌‌و حیزبه‌ سیاسی‌یه‌كانی‌ وڵاتی‌ سوئێددا به‌

ئه‌نجام گه‌یاند، كه‌ پێشتر له‌ لایه‌ن به‌رپرسی‌ پێوه‌ندی‌یه‌كانی‌ حیزب له‌م وڵاته‌، هاوڕێ‌ كاك سه‌لاح گادانی‌‌و خوشكه‌ گوڵاڵه‌ شه‌ره‌فكه‌ندی‌ كارئاسانیان بۆ كرابوو.