دیداری‌ به‌ڕێز سكرتێری‌ گشتیی‌ حیزب له‌گه‌ڵ‌

جێگری‌ سه‌رۆكی‌ پارلـمانی‌ بروكسێل و به‌رپرسی‌ ئه‌نستیتۆی‌ كورد له‌ بروكسێل

رۆژی‌ 16ی‌ مارسی‌ 2005ی‌ زایینی‌، هاوڕێی‌ تێكۆشه‌ر كاك مسته‌فا هیجری‌ له‌ ساختمانی‌ ئه‌نستیتۆی‌ كورد له‌ برۆكسێل، چاوی‌ كه‌وت به‌ به‌ڕێزان "یان بێگه‌ن"، جێگری‌ سه‌رۆكی‌ پارلـمانی‌ برۆكسێل‌و دۆستی‌ وه‌فاداری‌ كورد‌و "ده‌روێش فه‌رحۆ"، سه‌رۆكی‌ ئه‌نستیتۆی‌ كورد له‌ برۆكسێلی‌ بێلژیك. له‌و دیداره‌ دۆستانه‌یه‌دا، به‌ڕێز سكرتێری‌ گشتیی‌ حیزبی‌ دێموكراتی‌ كوردستانی‌ ئێران تیشكی‌ خسته‌ سه‌ر ره‌وشی‌ رۆژهه‌ڵاتی‌ نێوه‌ڕاست به‌گشتی‌‌و به‌تایبه‌تی‌ ره‌وشی‌ هه‌ستیاری‌ ئێران‌و كوردستان‌و جه‌ختی‌ له‌سه‌ر خه‌باتی‌

شێلگیرانه‌ی‌ حیزبی‌ دێموكراتی‌ كوردستانی‌ ئێران بۆ دامه‌زرانی‌ سیستمێكی‌ دێموكراتیكی‌ فیدرالیستی‌ له‌سه‌ر بنه‌مای‌ نه‌ته‌وه‌یی‌ ـ جوگرافیایی‌ كرده‌وه‌. به‌ڕێزان "یان بێگه‌ن"‌و "ده‌روێش فه‌رحۆ"ش خۆشحاڵیی‌ خۆیان له‌ سه‌ردانه‌كه‌ی‌ به‌ڕێز سكرتێری‌ گشتیی‌ حیزب ده‌ربڕی‌‌و هیوای‌ سه‌ركه‌وتنیان بۆ بزاڤی‌ رزگاریخوازانه‌ی‌ كوردستان خواست.