په‌یامی‌ پیرۆزبایی‌ هاوڕێی‌ تێكۆشه‌ر كاك مسته‌فا هیجری‌ بۆ به‌ڕێز عه‌دنان موفتی

به‌ بۆنه‌ی‌ ده‌ستپێكردنی‌ خولی‌ نوێی‌ پارلـمانی‌ كوردستانه‌وه‌

زۆر به‌ڕێز كاك عه‌دنان موفتی‌!
سڵاوێكی‌ برایانه‌!
ده‌ست به‌كاركردنه‌وه‌ی‌ خولێكی‌ نوێ‌ له‌ كاری‌ پارلـمانی‌ كوردستان‌و دیاریكرانی‌ به‌ڕێزتان وه‌ك سه‌رۆكی‌ ئه‌و پارلـمانه‌ بۆ ئێمه‌ خه‌به‌رێكی‌ خۆش بوو.
به‌و بۆنه‌وه‌ گه‌رمترین پیرۆزباییتان لـێ‌ده‌كه‌ین‌و سه‌ركه‌وتنتان له‌و ئه‌ركه‌ نوێ‌یه‌دا به‌ ئاوات ده‌خوازین. چاوه‌ڕوانین له‌ ماوه‌ی‌ سه‌رۆكایه‌تیی‌ به‌ڕێزتاندا، پارلـمان هه‌نگاوی‌ به‌كه‌ڵك‌و به‌رچاو بۆ یه‌كگرتوویی‌ گه‌لی‌ كورد له‌ كوردستانی‌

عێراق باوێ‌‌و، ببێته‌ نموونه‌یه‌كی‌ باش له‌ په‌سندكردنی‌ یاساگه‌لێكی‌ دێموكراتیك‌و پێشكه‌وتنخوازانه‌ له‌ هه‌موو ناوچه‌دا‌و رۆژ به‌ رۆژ سه‌ركه‌وتنی‌ زیاتر وه‌ده‌ست بێنێ‌.

هه‌ر شاد‌و سه‌ربه‌رز بن.

حیزبی‌ دێموكراتی‌ كوردستانی‌ ئێران
ده‌فته‌ری‌ سیاسی‌
مسته‌فا هیجری‌
5ی‌ ژوئه‌نی‌ 2005ی‌ زایینی‌