په‌یامی‌ پیرۆزبایی‌ به‌ڕێز سكرتێری‌ گشتیی‌ حیزبی‌ دێموكراتی‌ كوردستانی‌ ئێران بۆ رێزدار مه‌سعوود بارزانی‌ به‌ بۆنه‌ی‌ هه‌ڵبژاردنیه‌وه‌ وه‌كوو سه‌رۆكی‌ هه‌رێمی‌ كوردستان

برای‌ به‌ڕێزمان كاك مه‌سعوود بارزانی‌!
وێڕای‌ سڵاوێكی‌ گه‌رم!
هه‌ڵبژێرانی‌ به‌ڕێزتان له‌ لایه‌ن پارلـمانی‌ كوردستانه‌وه‌ به‌ سه‌رۆكی‌ هه‌رێمی‌ كوردستان ده‌سكه‌وتێكی‌ دیكه‌یه‌ له‌ ره‌وتی‌ به‌ره‌وپێشچوونی‌ یه‌كڕیزیی‌ هه‌رچی‌ زیاتر‌و به‌رینتری‌ خه‌ڵكی‌ كوردستان‌و هه‌ر بۆیه‌ش بۆ هه‌موو لایه‌ك جێگای‌ پێ‌خۆش بوونه‌.
به‌م بۆنه‌وه‌ له‌ لایه‌ن رێبه‌رایه‌تیی‌ حیزبی‌ دێموكراتی‌ كوردستانی‌ ئێرانه‌وه‌

پیرۆزبایی‌ له‌ به‌ڕێزتان ده‌كه‌م‌و هیوادارم له‌ سێبه‌ری‌ سه‌رۆكایه‌تیی‌ به‌ڕێزتاندا ئه‌م یه‌كگرتوویی‌یه‌ رۆژبه‌ڕۆژ چه‌سپاوتر بێ‌‌و هه‌رێمی‌ كوردستان هه‌نگاوی‌ بڵیندتر‌و به‌نرختر به‌ره‌و سه‌ركه‌وتنی‌ زیاتر بنێ‌.
له‌و ئه‌ركه‌ قورسه‌دا كه‌ له‌ كاتێكی‌ ناسك‌و قۆناغێكی‌ مێژوویی‌دا كه‌وتۆته‌ سه‌ر شانتان ئه‌وپه‌ڕی‌ سه‌ركه‌وتنتان بۆ به‌ئاوات ده‌خوازم.
به‌ڕێزی‌ بێ‌پایانه‌وه‌!

حیزبی‌ دێموكراتی‌ كوردستانی‌ ئێران
سكرتێری‌ گشتی‌
مسته‌فا هیجری‌
13/6/2005ی‌ زایینی‌