په‌یامی‌ هاوخه‌میی‌ به‌ڕێز سكرتێری‌ گشتیی‌ حیزب بۆ رێزدار تۆنی‌ بلێر

به‌ بۆنه‌ی‌ ته‌قینه‌وه‌ دڵته‌زێنه‌كانی‌ له‌نده‌نه‌وه‌

سه‌ره‌ك وه‌زیری‌ به‌ڕێز تۆنی‌ بلێر!
به‌داخێكی‌ گرانه‌وه‌! هه‌واڵـی‌ دڵته‌زێنی‌ ته‌قینه‌وه‌كانی‌ رۆژی‌ حه‌وتی‌ ژولای‌ له‌نده‌نم بیست كه‌ له‌ودا ژماره‌یه‌ك له‌ ژنان‌و پیاوانی‌ سڤیل كوژران‌و بریندار كران.
پێم خۆشه‌ ئاگادارتان بكه‌مه‌وه‌ كه‌ رێبه‌رایه‌تیی‌ حیزبی‌ ئێمه‌ به‌ شێوه‌یه‌كی‌ گشتی‌ ئه‌م كرده‌وه‌ دزێوه‌ تیرۆریستی‌یه‌ مه‌حكووم ده‌كات. ئێمه‌ له‌م پێوه‌ندی‌یه‌دا ئه‌وپه‌ڕی‌ هاوده‌ردی‌‌و كه‌سه‌ری‌ خۆمان ئاراسته‌ی‌ خێزانی‌

قوربانیان‌و هه‌موو خه‌ڵكی‌ له‌نده‌ن ده‌كه‌ین. ئێمه‌ خۆمان به‌ هاوخه‌می‌ ئێوه‌ ده‌زانین‌و هیوادارین كه‌ حكوومه‌ته‌كه‌تان، به‌رپرسانی‌ ئه‌م رووداوه‌ په‌لكێشی‌ دادگا بكات.
ئێمه‌ له‌و خه‌مه‌دا خۆمان به‌ به‌شدار ده‌زانین‌و ده‌ستی‌ دۆستایه‌تیتان بۆ درێژ ده‌كه‌ین‌و پشتیوانتانین له‌ خه‌بات دژی‌ فه‌نده‌مێنتالیزم‌و تیرۆریزمی‌ نێونه‌ته‌وه‌یی‌دا.

مسته‌فا هیجری‌
سكرتێری‌ گشتیی‌ حیزبی‌ دێموكراتی‌ كوردستانی‌ ئێران
9ی‌ ژولای‌ 2005