|
rojan
xebatên berdewam, demjimêr 20’ê
êvariya roja çarşem, 13.09.2006’an dawî bi karên xwe anî.
Heştemîn civîna Komîteya Navendî di
destpêkê de bi îlankirina deqîqeyekê bêdengî bo rêzgirtin ji canê paqij yê
şehîdan dest pê kir. Piştre bername û destûra karê civînê kete ber raya beşdaran
û li pey pejirandina bername û destûra karê civînê, hevalê hêja û xebatkar, Kekê
Mistefa Hicrî, Sekreterê Giştî yê PDK Îranê bas û şîroveyeke siyasî derheq
guhertinên nava du civînên partiyê di asta deverê, Îranê û Kurdistanê de pêşkêşî
civîna Komîteya Navendî kir.
Şîroveya siyasî ya Sekreterê Giştê
yê PDK Îranê, birêz Mistefa Hicrî, di çend civînên Pilînomê de ketin ber bas û
piştî vê çendê ku beşdarên civînê dîtin û nêrînên xwe der barê her yek ji wan
bas û mijaran xuya kirin, hate pesendkirin.
Di vê şîroveyê de bi hûrî û
berfirehî îşare bi şerê navbera Hizbelaha Lubnanê û Îsraîlê hatibû kirin. Di vê
derheqê de civîna Komîteya Navnedî ya PDK Îranê Komara Îslamî ya Îranê wekî
hayder, pêkîner û sebebkarê wî şerî da zanîn ku bo careke din piştgiriya vê
rejîmê ji destek, girûpên tundrew yên terorîstî xiste ber raya giştî û eşkeretir
û zelaltir ji berê fitneçîtî, maytêkirin û destêwerdana Komara Îslamî di kar û
barên hundir yên welatan bi armanca alozî û telihevkirina tenahî û rewşa herêma
Rojhilata Navîn derxist holê û careke din ev rastiye da xuyakirin ku heke Komara
Îslamî ya Îranê bi van siyaset û kiryarane çekên Etomî bidest bixe, dikare tirs
û gefeke mezin bo ser tenahî û aramiya herêmê be.
Di şîroveya siyasî ya Sekreterê
Giştî de qala rewşa Îraqê bi giştî û Kurdistana Îraqê bi taybetî hatibû kirin.
Di vê derbarê de civînê tevî îşare bi aloziyên herêmên navend û başûra Îraqê,
keyfxweşbûna xwe ji pêkhatina hikûmeta hevgirtî ya Kurd û yekgirtina her du
îdareyên Hikûmeta Herêma Kurdistanê nîşan da û helwesta Serokatiya Herêma
Kurdistanê derheq ne bikaranîna ala Îraqê ya serdemê Bessê li Kurdistanê bi
gaveke neteweyî hesiband û piştgirî dayê.
Derheq Îranê, heştemîn civîna
Komîteya Navendî ya PDK Îranê, îşare bi kirîza Etomî ya Komara Îslamî tevî
civaka cîhanî kiriye û encama her dij kiryareke Konseya Ewlekariyê û civaka
cîhanî li hember serhişkiyên Komara Îsalmî xiste stûyê vê rejîmê.
Civîna Komîteya Navnedî rêz ji
tevger û serhildana nerazîbûnê ya neteweya Azerî girt ku di meha Banemera îsal
de hate lidarxistin û ew tevgere bi bizaveke neteweyî hesiband ku di halê
xurtbûnê de ye.
Civîna Komîteya Navendî ya PDK Îranê
rêz û rûmet ji liv û tevgera nerazîbûnê a neteweya Kurd li Kurdistana Îranê seba
bersivdana gel bona vexwendina PDK Îranê bi hinceta 22’ê Pûşperê, hevdehemên
salvegera terorkirina Dr. Qasimloyê nemir û liv û tevgerên din di seranserî
Kurdistanê de girt.
Civîna Komîteya Navendî ya PDK Îranê
li ser girîngiya xurtkirina Kongreya Neteweyên Îrana Federal tekez kir û
pêşdebirina û pêşveçûna pêvajoya xebatên vê kongreyê wek sebebeke jêhatî ji bo
berbipêşdebirina çareserkirina pirsgirêka neteweyên Îranê di Îranê de zanî.
Pilînomê piştî lênihêrînek li serkar
û barên rêxistinî li derveyî welat, pêşniyar kir ku girîngî û baleke bêtir bi
karê rêxistinî li Ustiralya û Amerîkayê bihê dayîn.
Ji ber zêdebûna dezgehên ragihandin
û çapemeniyê yên partiyê û ji bo pêkanîna hevahengiyê di belavkirina nûçeyan de,
civîna Komîteya Navnedî rasipartin da Deftera Siyasî hetanî ji bo pêkanîna
navendeke nûçeyan hewl û bizavê bide.
Civîna Komîteya Navendî di derheq
kirîz û pirsgirêkên hundirî partiyê de, pêşniyar bi Deftera Siyasî kir ku careke
din cehd û hewlên xwe di çarçoveya azîn, usûl û pirensîpên partiyê û pêrewa
hundirîn de bi armanca çareserkirina van pirsgirêkane bidomîne û rapora kar û
xebata xwe di vê derbarê de bide civîna Komîteya Navendî ya tê.
Civîna Komîteya Navendî piştî 3
rojan karê berdewam, her wekî îşare pê hat kirin, seet 20’ê êvariya roja çarşem,
13.09.2006’an dawî bi karên xwe anî.
Deftera Siyasî ya Partiya Demokrat
ya Kurdistana Îranê
23.06.1385’ê Rojî
14.09.2006’ê Zayînî |
