Heyamek e hin kes bi armanca dilsojî û xemxwerî ji bo PDK Îranê yan alîgirî ji kesayetiyên nava partiyê, li ser malperên înternetî û bi navên dilxwazû nenas, her carê kesayetiyekê didin ber êrîşê û bi vî awayî bêhurmetî ji hemû kesayetî û perêziyan re tê kirin û qedr û rêz ji bo kesê nahê girtin.

Hetanî di vê dawiyê de kar yê gihîştiye ciyekê ku  li çarçoveya

bêhurmetîkirin bi kesayetiyên nava PDK Îranê de derbaz dibin û bêhurmetî û bêrêziyê bi kesayetî û aliyên din jî dikin.

 Bêguman naveroka hinek ji van nivîsar û dijûnamane bi armanca dijminatî tevî PDK Îranê ye ku ji bo kûrtirkirina dubendiyê di nav Partiya Demokrat û alozkirina têkiliyên nava partî û aliyên dost yên PDK Îranê tên belavkirin.

 Bêşik jî li wan babet û nivîsarên ku bi navê dilxwaz û nenas tên nivîsandin û belavkirin, heke niyeteke xêr jî li pişt de hebe, heya niha ne tenê tu alîkariyek ji bo pêkanîna tebahiya pêwîst di nava Partiya Demokrat de nekiriye, belkî rewş aloztir û valahî berfirehtir kirine. Bi vî awayî encama nexwestî û ne bi dil ya kiryar û kirinên van kesane jî bi vêc û qazancê dujminên Partiyê bi dawî bûye.

 Lewra em ji hemû dilsoj û alîgirên PDK Îranê daxwaz dikin di vê rewşa hesas û nazik de ku PDK Îranê tê de dibore, hest bi berpirsiyariyê bikin û ji nivîsandina wan cure gotarane xwe biparêzin û ji bo aramkirina kêmasî û pirsgirêkên hundir yên partiyê hevkariya me  bikin.

 Em van cure nivîsînane - ji bo tagirî yan dijberî tevî her alî û kesayetiyeke partiyê bihên nivîsandin - şermezar û mehkûm dikin. Li hember de pêşniyar û rênûmayiyên dilsojane yên endam û dostên partiyê ku bi nav û nîşan bi destê me bigihîje, em dê bi rêz û hurmetê ve werbigirin.

 Partiya Demokrat ya Kurdistana Îranê

 Deftera Siyasî

 12.11.2006

 21.08.1385