|
“Muhsin Rizayî” ji desthilatdarên
payebilind yên rejîmê têne de têne dîtin ku tawana wan biryargirtin û pilandanîn
ji bo teqandina Navenda Çandî ya Cihûyan li “Buenos Aires”, paytexta Arjantînê
di sala 1994’an de ye ku bû sedema kuştina 85 kesan û birîndarbûna bêtirî 200
kesên din.
Eva bo cara çendemîn e ku
berpirsiyarên payebilind yên Komara Îslamî seba terorkirina neyarên rejîmê û
xelkê sivîl li derveyî welat wekî tawanbar tên naskirin ku nimûneya herî girîng
a wan mehkûmkirina serokên rejîmê ji aliyê dadgeha Berlînê di bervara
10.04.1997’an de bi guneh û sûça terorkirina Sekreterê Giştî yê PDK Îranê û
hevalên wî bû.
Rejîma Komara Îslamî di heyamê
temenê desthilatdariya xwe de xebitiye neyarên xwe ên siyasî ji rêya terorê ve
bi bêy liberçavgirtina qanûn û raya giştî, heya di nava welatên Ewropayî de ji
holê ra bike. Mixabin di vê derheqê de welatên Ewropayê bi sedema têkiliyên
ticarî û bazirganî ên xwe bi rejîmê re, ji kiryarên terorîstî yên Komara Îslamî
çav miqandin, heta em dikarin bibêjin rêz ji qanûn û serweriya welatê xwe jî
negirtin. Mînaka herî berçav ya wan cure tevgeriyan û helwestane azadkirina
bikujên Dr. Qasimlo ji aliyê dewleta Otrîşê ve bû.
Gava wêrek û netirsane ya dezgeha
Dadê ya Arjantînê ji bo derkirina biryara girtin û binçavkirina berpirsiyarên
rejîmê her çiqas piştî derbasbûna 12 salan li ser vê bûyera hov û nemirovane de
derket rojevê, lê peyameke ron û eşkere ji bo rejîma terorîstperwer ya Komara
Îslamî a Îranê ye ku niha pêde ne tenê destê wan ji bo terora li dijî neyarên
siyasî yên xwe ne vekirî ye, belkî divêt li hember wan bûyer û cinayetane jî ku
berê ji aliyê kirêgirtiyên wan ve birêve çûne, bersivder bin.
PDK Îranê ku bi sedan Kadro,
Pêşmerge, endam û alîgir û li serveyî tevayan du Sekreterên wê, yanî Dr.
Ebdulrehman Qasimlo û Dr. Sadiq Şerefkendî ji aliyê rejîmê ve hatine
terorkirin, piştgirî û piştevaniyê ji hikm û biryara girtin û binçavkirina
“Refsencanî” û 8 kesên din ku ji aliyê Dadwerê Dadgeha Federal ya Arjantînê ve,
bi sedema dest têde hebûn di teqandina Navenda Çandî ya Cihûyan li “Buenos
Aires”ê hatiye dayîn, dike, nemaze ku çend kes ji wan 8 kesane her ew in yên ku
di dadgeha Berlînê de jî hatine mehkûmkirin.
Em hêvîdar in welatên Ewropayî jî
şûn piyê dezgeha dadê ya Arjantînê bigirne ber xwe û biryara wan terorên ku ji
aliyê Komara Îslamî ya Îranê ve di welatên wan de birêve çûne, careke din bixin
ber lêkolînan û heq û edaletê di derbarê wan de birêve bibin.
Partiya Demokrat a Kurdistana
Îranê
Deftera Siyasî
12.11.2006
21.08.1385 |
