Roja 28.11.2006’an, rojnameya “Wall Street Journal Online”ê hindek wêne li ser kuştinên bikom yên xelkê Kurdistana Îranê ji aliyê hêzên dijî gelî yên Komara Îslamî ya Îranê ve, weşandine ku perdeyeke her çend biçûk li ser cinayetên vê rejîmê li dijî gelê Kurdistanê rakiriye (hildaye).

 Hêzên rejîmê piştî derkirina biryara”cîhad”ê li aliyê Xumeynî ve li dijî gelê Kurd, bi awayeke hov û berfireh destavêtin kştin û komkujiya xelkê li

gund û bajarên Kurdistanê de. Piraniya cinayetên han dûr li wijdana hişyar a xelkê cîhanê û li dîrokê de veşartî man. Ev para kêm li van belgehên her çend biçûk ku ji aliyê wênegirek nenaskirî ve li cîhanê de belavbûn, bû hegera birîndarbûna wijdana mirovahiyê.

 Yek ji van wênegirên nenaskirî, birêz Cehangîr Remzî ye, ku van rojan û bi boneya wergirtina xelata “Plîtzêr”, wêneyên wî di malperên înternetî de hatin weşandin.

 Piştî 27 salan bêdengiyê niha Cehangîr Remzî, xwe bi bîr û raya giştî re nasandiye, PDK Îranê ji tev Komeleyên parêzer ên mafên mirovan û herwiha organên navneteweyî dixwaze ku berpirsên vê rejîmê li dadgeheke navneteweyî de yên ku şahîdên weke Remzî, tê de amade bin, mehkeme bike.

 PDK Îranê di vê derheqê de amadeyê hemû cure hevkariyekê ye tevî civaka navnateweyî û kom û komeleyên parêzer ên mafên mirovan.

 PDK Îranê Nûnerayetiya Derveyî welat – Parîs

 21.12.2006

 http://online.wsj.com/public/vresources/documents/info-iranpics0611-28.html