|
Çîn û Rûsiyayê çend caran guhertin
bi ser de hat, aqibet roja şemî, 23.12.2006’an, ji aliyê endamên Konseya
Ewlekarî ya Rêxistina Neteweyên Yekbûyî ve bi dengdaneke giştî hate pejirandin.
Ev biryarname li pey hemû ew hewl
û xebatan de hat dayîn ku civaka cîhanî ji bo destberdana Komara Îslamî ji
mehandina Uraniyûmê ji xwe nîşan da, lê ji aliyê Komara Îslamî ya Îranê ve hatin
bêencamkirin û bersiva ret bi wan hate dayîn.
Biryara 1737’an ya Konseya Ewlekarî
ya RNY şandina hemû cure alav û amûran ji bo Îranê ku têkilî bi bernameyên Etomî
yên Îranê ve hebe, qedexe kiriye. Her wiha ev biryare hişyariyê bide rejîma
Komara Îslamî ku heke heta du heyvên din mehandina Uraniyûmê nerawestîne, li
gorî benda 47’an ya Destûra Rêxistina Neteweyên Yekbûyî dê tevî dorpêçkirinên
zêde û berfirehtir di warên aborî, peywendiyên dîplomatîk, veguhastin û hatin û
çûnê berbirû bibe. Her li gorî vê biryarê, ji bo her kes û saziyên ku bi dûr ji
zêrevaniya Ajansa Vejena Etomê ya Navneteweyî (IAEA), di xebat û pirojeyên Etomî
û mûşekî yên Îranê de beşdariyê dikin, cezayê destbiserdegirtina heyîna wan
hatiye dan.
Her çiqas biryarnameya Konseya
Ewlekar ya Rêxistina Neteweyên Yekbûyî derheq cezakirina Komara Îslamî ya Îranê
vê gavê pêka leckirin û serhişkiyên Komara Îslamî li hember civaka navneteweyî
nerm û jar e, lê serbarê vî halî jî eger weke yekemîn gava dijkiryar li hember
rejîmeke dîktator û serberdayî mîna Komara Îslamî were dîtin, girîngî û nirxa
taybet bi xwe heye. Her eva ku endamên Konseya Ewlekariyê bi tevahiya dengan
(her 15 deng) biryara cezakirina Komara Îslamî dipejirînin, tê wê wateyê ku vê
rejîmê naverok û cewhereke dîktatorane heye û pêbendê tu pesendkriyên
navneteweyî nîn e û hewce ye bihê cezakirin, ew dengdana giştî ya Konseya
Ewlekariyê jî di demekê de ye ku welatên Çîn û Rûsiyayê berjewendiyên zaf di
Îranê de û têkiliyeke xurt tevî Komara Îslamî hene, serbarê vî halî jî dîktatorî
û leckirinên vê rejîmê heta qasekê ye ku ew du welat û dewletên wekî wan, jî
nikarin ji bilî sivikkirin û lawazkirina biryarên li terzê vê biryara Konseya
Ewlekariyê çavê xwe ji esla pirsê û naveroka vê rejîmê bimiqînin.
Bi liberçavgirtina dijkiryara
Komara Îslamî ya Îranê li hember vê biryara Konseya Ewlekarî ya Rêxistina
Neteweyên Yekbûyî û bi girîng nehesibandin û bênirxkirina wê ji aliyê rejîmê û
biîsrarbûn û tekezkirin li ser domandina dewlemendkirina Uraniyûmê, wisa tê
xuyakirin ku civaka cîhanî bêtir bîne ser vê baweriyê ku ew rejîme bi hêsanî
daxwaza saziyên navneteweyî berçav nagire û heke pêre micidtir nelivin,
tevnegerin, gef û metirsiyên wê ji bo civaka navneteweyî dê zêdetir bibin. Lêre
de ye ku wisan tê xuyakirin Konseya Ewlekarî ya Rêxistina Neteweyên Yekbûyî
gaveke din jî li pey vê pêngavê de li dijî Komara Îslamî ya Îranê bavêje ku
encama wan dijkiryaran jî ne rohn û diyar in, dê endamên wê, Îranê bi tu
rewşekê re berbirû bike, tenê eva nebe ku berpirsiyariya her rewşeke nexwestî
dikeve ser milê Komara Îslamî ku bi domandina leckirin û fitne û têkdreriyên
xwe, Îranê bi kirîzeke taybet re rû bi rû dike.
Bêguman hewildan û xebata Konseya
Ewlekarî ya Neteweyên Yekbûyî ji bo berlêgirtin li bidestxistina çekên Etomî ji
hêla Komara Îslamî, girîng û pireseke hestiyar e, lê bicî û pêwîst e ev
rêxsitine vê rastiyê jî li berçav bigire ku metirsiyên Komara Îslamî bo ser
civaka Cîhanî û ewlekariya herêmê û neteweyên Îranê tenê li hewildana rejîmê ji
bo bidestxistina çekên Etomî bertesk nabe. Ji ber ku beşeke mezin û berçav ya
metirsiya terorîzmê ku niha civaka navneteweyî digel de berbirû maye, ji bo
rejîma Komara Îslamî ya Îranê wekî rejîmeke terorîst û terorîstperwer vedigere.
Rejîmek ku deste û girûpên terorîstî xurt û bihêz dike û ji wan re pêwîstî û
îmkanatan pêk tîne û di vê derbarê de maytêkirinê di kar û barên hundirîn ên
welatên herêmê wekî Lubnan, Îraq, Filistîn û gelek cihên dinê de dike û li wan
deran fitne û têkderiyê çê dike bona vê çendê ku aştî û aramî û ewlehî di van
welatan û di vê herêmê de cihgir nebe. Di derbarê neteweyên Îranê de, rejîma
Komara Îslamî, wekî rejîmeke paşverû, dijî mirov û binpêkerê maf û azadiyên
gelên Îranê tevdigere û bi kiryar Îran kiriye girtîxaneyeke mezin ji bo gişt
Îraniyan û di nava vê zîndana mezin de jî sedan û bigire hezaran girtiyên din
yên çalak û xebatkarên siyasî û azadbîr û azadîxwazên welat û xortên ser bi
neteweyên mafxwaz ên Îranê tejî kirine, lewra nefsa hebûna rejîmeke wiha bi xwe
ji çeka Etomî zêdetir cihê tirs, xeter û gefê ye û nabe civaka cîhanî û nemaze
Konseya Ewlekarî ya Rêxistina Neteweyên Yekbûyî vê pirsa girîng berçav negire û
li hemberî wê de xemsar yan sisthelwest be.
Xetera hebûna çeka Etomî di destê
rejîma Komara Îslamî de jî rast ji bo kakil û naveroka vê rejîmê vedigere, nek
bo hebûn û nebûna çekên cur bi cur û heta tevkuj.
Em serbarê vê çendê ku biryara
1737’an ya Konseya Ewlekar ya Neteweyên Yekbûyî li gorî leckirinên rejîma Komara
Îslamî ya Îranê derheq civaka navneteweyî wekî cezayeke pir sivik û nepêwîst
dizanin, lê serbarê vî halî jî piştgiriyê jê dikin. Em hêvîdar in ev gava
Konseya Ewlekar ya Neteweyên Yekbûyî bibe destpêka gavên micidtir ên din ji bo
kontrolkirin û çavdêriya milhurî û serberdayîbûna vê rejîmê.
Her wiha em li benda vê çendê ne ku
Konseya Ewlekar ya Rêxistina Neteweyên Yekbûyî, zext û givaşxistina bo ser
Komara Îslamî ya Îranê tenê di çarçoveya doza çeka Etomî û xebat û çalakiyên
gumanbar ên vê rejîmê de bertesk neke, belkî bi awayekî hêja û berfireh li
pirsa mafên mirovan û maf û azadiyên neteweyên bindest û zulmlêkirî yên Îranê re
binêre ku bi awayên herî tund ji aliyê Komara Îslamî ve tên binpêkirin.
Xortên gelên Îranê û yek ji wan
neteweya Kurd li Kurdistana Îranê, mirovên aştîxwaz û azadîxwaz in ku ji bo maf
û azadiyên xwe li dijî Komara Îslamî ya Îranê û bo avakirin û anîne serkara
sîstemeke demokratîk di Îraneke Federal de dixebitin. Alîkarîkirin bi neteweyên
azadîxwaz ên Îranê ji bo hilweşandina rejîma Komara Îslamî û gihîştin bi armanc
û xweziyên wan, hevkarîkirin bi cîgirbûna aştî û demokrasî di herêmê de û bi
dûrketina civaka cîhanî ji gef û metirsiyên çekên Etomî, terorîzm û fitne û
têkderiyên Komara Îslamî ya Îranê ye.
Partiya Demokrat Ya Kurdistana
Îranê
Deftera Siyasî
26.12.2006
05.10.1385 |
