Kurdistanmedia: Bi boneya cudabûna hinek kesan ji PDK Îranê, Deftera Siyasî ya Partiya Hevpêwendiya Demokratîk ya El-Ehwazê ku endamê Kongreya Neteweyên Îrana Federal e, daxuyaniyeke çapemeniyê weşandiye ku em li vir deqa wê ya Farsî belav dikin:

Nûçeyê tejî kul û keser ya rûdana cudabûnê di nava refên PDK Îranê de gihîşte destê me, Partiya Hevpêwendiya Demokratîk ya El-Ehwazê. Ev kiryare ji bo me weke hevalbendê vê partiya pêşeng ya xebata neteweyên Îranê, bûyereke tal û dilêşîn bû.
Piştî ku me ev pirs şopandin, em li ser vê baweriyê bûn ku yekîtiya refên hundirîn yên partiyê bi mifahwergirtin ji usûl û pirensîpên demokratîk yên navxwe ên rêxistinî bihê parastin û nakokî û pirsgirêk divêt li ser bingeha pirensîp û bihayên bernameya PDK Îranê werin çareserkirin.
Partiya me wekî endamê Kongreya Neteweyên Îrana Federal, rûdana cudabûnê di nava yek ji hevalbendên herî mezin yên xwe de bi qazancê bizav û xebata hevgirtina neteweyên vê kongreyê nazane û hêvî dike ku PDK Îranê bi borandina encamên vê kirîz û qeyranê wekî berê, caran rola xwe ya pêşeng di rêya cîgirkirin û avakirina demokrasî û federalîzmê bi armanca ewle û garantîkirina mafên neteweyî yên cuda cuda di Îranê de bimeşîne.
Partiya me her wekî caran hevkariya xwe tevî hemû partî û rêxistinên neteweyî yên Kurd di astên cur bi cur de û nemaze di çarçoveya Kongreya Neteweyên Îrana Federal de dê bidomîne.

Deftra Siyasî ya Partiya Hevpêwendiya Demokratîk ya El-Ehwazê
20’ê Desambra 2006’an