Taqima Mela Hesen Restigar, piştî îlankirina cudabûna xwe ji Partiya Demokrat ya Kurdistana Îranê, li ciyê tekoşîn û darêtina bernameya nû! Li dijî Komara Îslamî, bi armanca nasandina xwe bi civatên xelkê Kurdistanê, rêya şerfirotinê  bi Pêşmergeyên PDK Îranê hilbijartiye.

 Kesên ser bi aliyê vê taqimê li gorî wê siyasetê, careke  din di rojên în û şemî, (02 û 3’ê Adara 2007)’an li binkeyên partiyê li Dêgele û

Cêjnîkanê li pey mihanegirtin û heta guleavêtinê bi ser Pêşmergeyan de, wekî vê yekê ku derfetek zêrîn ji wan re pêk hatibe, careke din li ser ragihandinên giştî de dest bi hawar û xwe belengaz nîşandanê kir û bazara xwe pê germ û gur kirine.

  Hewce ye bihê gotinê ku zêdetir ji du meh in ji bo dûrxistina cihê niştecihbûna malbatan û cihê karê wan ji PDK Îranê, ji aliyê nûnerên Hikûmeta Herêmê ve cih ji wan re hatiye diyarîkirinê, lê hemû rojekê bi mihane û hêcetekê dûrketinê derng dixin û heta niha jî  ji bo bicîhêlana cihên xwe razî nebûne, eva jî ji ber vê çendê ye ku ew dizanin dûrketina wan ji meydana şerfirotinê di encamê de propagendeya wan dê berteng bike.

 Em xelkê  Kurdistanê piştrast dikin ku PDK Îranê bi seh bi hebûna berpirsiyariya tewaw dê bi vê pirsê re tevbigere û heke heya niha bersiva şerfiroşên vê taqimê bidaya, renge bûyerên ne çavnihêrkirî lê çê biba.

 Ji bo berlêgirtin ji wan cure bûyeran û nehêlana mihaneyan di  destê taqima Mela Hesen Restigar de, em daxwazê dikin Hikûmeta Herêmê micidtir û berpirsanetir ji bo dûrxistina vê girûpê gavan bavêje û bixebite.

 Partiya Demokrat ya Kurdistana Îranê

 Sekretariya

 05.03.2007

 14.12.1385