Di van rojên dawiyê de hinek malperên Kurdî beşeke berevaj û tevlîhevkirî ya hevpeyvîna rêzdar Mistefa Hicrî, Sekreterê Giştî yê PDK Îranê di rojanmeya “Le Monde” belav kirine ku ji zimanê Sekreterê Giştî ve basa xebat û çalakiya PJAK – baskê Kurdistana Îranê ya PKK’ê – dike. Di vê basê de ji zimanê Sekreterê Giştî yê PDK Îranê tê gotin ku PDK Îranê vê rêxistinê mehkûm dike û dixwaze ji Kurdistana Îraqê

were derêxistinê. 

Di vê derheqê de hewce ye em careke din siyaseta limêjîn ya PDK Îranê ron bikin, ew jî ewa ye ku em çêkirina partiyan ji aliyê PKK’ê ve ji bo parçeyên cuda cuda yên Kurdistanê bi siyasetek rast û dirust nazanin.

Em li ser vê baweriyê ne ku Kurdên her yek ji parçeyên Kurdistanê çêtir dikarin li ser çarenivîsa xwe biryarê bidin û awayên gihîştin bi wan armancan diyarî bikin.

Lê derbarê vê basê jî nivîsa rojnameya “Le Monde”ê ku ji zimanê Sekreterê Partiyê ve dibêje: “Nabe PJAK di Kurdistana Îraqê de bimînin û ...”, ew gotin bi tevahî ne rast û destçêkirî û bê bingeh e. Ji ber ku bi kêfxweşî ve Kurdistana Îraqê hikûmeta xwe ya hilbijartî heye û berpirsiyarê parastina sînorên xwe ye û li gorî mesleheta xwe û çawaniya têkiliyên xwe rê û cih ji bo rêxistinên siyasî diyarî dike. PDK Îranê pêşniyara derêxistina tu rêxistinekê ji tixûbên Kurdistana Îraqê nake.

Partiya Demokrat ya Kurdistana Îranê

Sekretariya

11.03.2007

20.12.1385