Hevalên rêzdar!

Nûnerên Partiyên Siyasî ên Kurdistanê!

Hevalên beşdar di rê û resma sêyemîn salvegera serhildana gelê Kurdistana Rojava!

Lijneya amadekar ya vê bibîranîna hêja û pîroz!

Xebata dehan salî ya neteweya Kurd ji bo bidestveanîna azadiyê û

mafên neteweyî, tevî serkut û qirkirina wê neteweyê ji aliyê dagirkerên Kurdistanê ve hevdem bûye û di vê derheqê de dujminên maf û azadiyên neteweya me ji tu kiryareke ne mirovane bi merema serkut, qirkirin û asîmîlasyona kulturî û ji holê rakirina nasnameya neteweyî ya Kurdan xwe ne parastine.

Di vê derheqê de gelê Rojavayê Kurdistanê bi awayekî sîstematîk dehan sal e ketiye ber siyaseta ne mirovane û nejadperestane, bişaftin û asîmîlasyona kulturî, lê ewa ku ji bo her Kurdek welatparêz cihê rûmet û şanaziyê ye, ew rastiya ne înkarkirî ye ku gelê Rojavayê Kurdistanê ne tenê her ne heliyaye, belkî bêtir ji caran maf û azadiyên xwe nas kiriye û serhildana mezin û berfireh ya bajarê bizav û serhildanê – Qamişloya serbilind – selimand ku neteweya me di vê beşa Kurdistanê de ne tenê her zindî û çalak e, belkî ji bo bidestveanîna maf û azadiyên neteweya me li Rojavayê Kurdistanê de bêrawestiyan dixebite.

Em li vir kom bûne ku yek ji rojên dîrokî yên tevgera rizgarîxwaz ya neteweya Kurd bibîr bînin. Serhildana 6 rojî ya sala 2004’an û fîdakarî û xwegorîkirina xortên neteweya Kurd li bajarê Qamişloyê li hember dethilata tepeserkar ya rejîma dîktator ya Bees a Sûriyê bibîr bînin û silavên wefadarî û emekdariyê ji bo canê paqij yê şehîdên serhildana 12’ Adara 2004’an a bajarê Qamişloyê bişînin û li hember hesta welatparêziya wan de serê rêz û hurmetê ditewînin.

Partiya Demokrat ya Kurdistana Îranê tevî mezinnirxandina vê serhildana gelî û armancên wê yên neteweyî, careke din li xebat û tekoşîna xortên Kurd di hemû parçeyên Kurdistanê de û nemaze xortên welatparêz yên Kurd li Sûriyê di rêya bidestveanîna mafên siyasî û neteweyî yên wan piştgiriyê dike û xebata wan bilind dinirxîne û şanazî û rûmetê pê dike û li ser têkiliyên dostane û biratiyê tvî hemû partiyên siyasî ên Kurdên Sûriyê jî tekezê dike û ji bo berfirehkirina wan pêwendiyane jî amadeyê hevkarî û hevxebatiyê ye.

Bi rêz be bibîranîna serhildana 12’ê Adara 2004’an ya Qamişloyê

Serbilindî ji bo Şehîdên Kurdistanê

Serekve xebata berheq ya gelê me di pêxema demokrasî û mafê neteweyî demirin û neman ji bo neyar û dijminên Kurd û Kurdistanê

Partiya Demokrat ya Kurdistana Îranê

Deftera Siyasî