Silavekî şoreşgerane

 Di bin ala bilind a Kurdistanê û rêzgirtinê li xwîna paqij û sor a Şehîdên rêya azadiya Kurdistanê, partî û rêxistinên ku navên wan di jêr de tên, piştî gazîkirina wan ji aliyê Partiya Demokrat a Kurdistanê/Lijneya herêma Holendayê û hevkariya hemû aliyekê ku cihê sipas û pêzanênî ye, piştî du civînan di rojên 7 û 29.04.2007’an de, li binkeya Partiya Demokrat a Kurdistanê li bajarê Amêsterdamê, karîn di damezrandina Hevkariya Partî û Rêxistinên Siyasî yên Kurdistanî de bi armanca pitir ji hevnêzîkbûnê, bi hev re karkirinê û hevrefkirina gelê Kurd li ser asta her çar parçeyên Kurdistanê û pêşdebirina doza gelê me li Ewropayê bi giştî û Holendayê de bi taybetî û her wiha ji hev nezîkirina Civaka Kurd di vî welatî de, serbikevin û damezrandina Hevkariyê rabigihînin.

 Hewce ye were gotin ku piştî gotûbêjên dûr û dirêj û dewlemend û guherîna bîr û rayan bi awayeke demokratîk, pêrewa hundirîn a Hevkariyê hate darêtin û her wiha tev endamên amade di civînan de, soz dan ku bi hemû hêz û karîna xwe, xebatê ji bo serkevtin û pêşdebirina Hevkariyê bikin.

 Serbilindî û nemirî bo Şehîdên Kurd û Kurdistanê.

 Bilind û bilindtir be ala Kurdistanê.

 Edî pêşdeçûn bo serkevtina yekcarî.

 Bijî Kurd û Kurdistan.

 Partî û rêxistinên beşdar di Hevariyê de:

1- Partiya Komonîst a Îraqê, Rêxistina Kurdistanê(Şiyoî).

 2- Yekîtiya Niştîmanî ya Kurdistanê(YNK).

 3- Partiya Yekgirtî  ya Îslamî.

 4- Yekîtiya Neteweyî ya Demokrat a Kurdistanê.

 5- Partiya Demokrat a Kurdistanê.

 6- Partiya Karê Serbixwe a Kurdistanê.

 7- Partiya Zehmetkêşên Kurdistanê.

 8- Partiya Sosyalîst a Kurdistanê.

 9- Partiya  Demokrat a Kurdistanê/Bakûr.

 10- Partiya Azad a Demokrat a Kurdistanê(Demokratên Şoreşger).

 11- Tevgera Demokratîk a Kurdistanê(Tevger).

 12- Partiya Demokrat a Kurdistana Îranê.

 13- Partiya Azadiya Kurdistanê.

 14- Komeleya Şoreşgerên Zehmetkêş ên Kurdistana Îranê.

 15- Partiya Demokrat a Kurd li Sûriyê(Elpartî).

 16- Yekîtiya Demokrat a Kurd li Sûriyê(Yekîtî).

 17- Partiya Azadiya Kurd li Sûriyê.

 18- Partiya Demokrat a Kurd li Sûriyê.

 Hevkarî  Partî Û Rêxistinên Siyasî Yên Kurdistanî Li Holenda