Roja duşem, 16.07.2007’an, careke din terorîstan, kerb û kîna reş a xwe li ser xelkê Kerkûka tim Kurdistanî de rijandin û di 3 êrîşên terorîstî de, xwîna bi dehan mirovên sivîl bi neheqî rijandin.

 Eva çendemîn car e ku Kerkûk bi vî awayê hov dibe armanca kiryarên terorîstî.

 Her wekî ku me li derbasbûyiyê de jî îşare pê kiriye, gel nêzîkbûna dema diyarîkirî ya cîbicîkirina madeya 140’ê ya Yasaya Bingehîn a Dewleta Îraqa Federal, terorîst bo kosp û astenga afirandin li ser rêya cîbicîkirina vê madeya yasayê, zêdetir ketine liv û bizavê û tawan û cinayetên xwe xurtir û bêtir kirine.

 Diyar e ew tawan û ew siyasetane, ne di şiyan û karînên girûp û taqimên biçûk yên terorîstî de ne û guman jî têde nine ku dujminên maf û azadiyên neteweya Kurd û li serweyî hemûyan jî dewletên dagirker yên Kurdistanê li pişt wan sekinîne.

 Em nûnerên van partî û aliyên Kurd û Kurdistanî ku me ev daxuyaniya wajo kiriye, tevî şermezar û mehkûmkirina vê tawana terorîstî, hevxemiyê digel kes û karên şehîd û birîndarên vê kiryara terorîstî didin eyanê.

 Her di vê demê de jî, em tekezê li ser vê yekê dikin ku kite rêya cihgirbûna aştî, aramî û ewlehiya Kurdistaniyan li Kerkûkê û herêmên din yên veqetiyayî ji Kurdistanê, vegeriyana wan deveran bo çarçove û hembêza Herêma Kurdistana Îraqê ye.

   18.07.2007

- Partiya Demokrat a Kurdistana Îranê

- Saziya Xebat a Kurdistana Îranê

- Partiya Sosyalîst a Kurdistanê – PSK

- Rêkevtina Demokratîk ya Kurd li Sûriyê – Wifaq

- Partiya Pêşverû ya Demokrat a Kurd li Sûriyê

- Partiya Yekîtiya Kurd li Sûriyê

- Partiya Azadiya Kurd li Sûriyê

- Partiya Demokrat a Kurd li Sûriyê – El Partî

- Partiya Welatparêzên Demokrat ên Kurdistanê - PWD

- Partiya Demokrat a Kurd li Sûriyê

- Partiya Azadiya  Kurdistanê - PAK