Îraniyên azadîxwaz!

 Ednan Hesenpûr, rojnamevanê Kurd û Hîwa Botîmar, çalakê sivîl di Dsadgeha Şoreşê de bi îdamê hatine mehkûmkirin. Ednan Hesenpûr, endamê Desteya Nivîskar ya heftînameya daxistî a Kurdî – Farsî ya Aso û ji endamê Navenda Nivîskarên Kurdistanê ye.

  Hêzên ewlekariyê Hîwa Botîmar bi armanca girtina birayê wî, Hadî Botîmar girtiye û ji malbata wî re ragehandine ku heya demekê Hadî xwe radestî ewlekariya Komara Îslamî neke, Hîwa nahê serbestberdan. Hadî Botîmar bo derbazbûn ji çengê Komara Îslamî pena bo Îngilîstanê biriye. Biryara îdamkirina Ednan Hesenpûr û Hîwa Botîmar di Dadgeha bajarê Sine de hatiye erêkirin û hêzên ewlekariyê erêkirina biryara îdama Ednan Hesenpûr ji parêzer û malbata wî re îlan kirine. Niha Hesenpûr û Botîmar nêzîkî mirinê ne û jiyana wan di tirs û xeterê de ye. Heke ji bo betalkirin û berlêgirtin ji birêveçûna biryara îdamê û rizgarkirina canê wan ji tirs û gefa mirinê gavên bilez nehên avêtin, Komara Îslamî dê karesateke mirovahiyê ya qerebûnekirî bi ser xelkê me de bisepîne.

 Mehkûmkirina Hesenpûr û Botîmar binpêkirina tund ya mafên mirovan û mînakeke eşkere ya cinayeta dewletî ye. Komara Îslamî bi derkirina hikmê daliqandinê ji bo Hesenpûr û Botîmar birayara kuştina 2 mirovên sivîl û bêtawan daye ku niha di girtîxaneya rejîmê de hatine hepskirin û ji bilî tebat û berxwedaniya dîlîtiyê, îşkence û zîndanê çi karek ji destê wan nahê. Du mirovên ku li derveyî girtîxaneyê jî, cuda ji penabirin ji bo hizr, raman û pênûsê xwe bona xuyakirina nerazîbûnê li dijî dîktatorî û azadîkujiya rêberên hikûmetê rêyeke din tu nebûn.

 Mehkûmkirina van du kesane bi îdamê di doma wê pêla serkut û çewisandinê de ye ku ji çend mehan berî niha ve dest pê kiriye. Di vê pêla serkut û tepeserkirinê de, çalak û xebatkarên tevgera jinan li cezayên giran ên girtîgehê mehkûm bûn, çalakên bizava xwendekarî, endamên Şêwra Navendî ya “Deftera Tehkîm Wehdet”ê û berpirsiyarên “Deftera Doreyî ya Tehkîm”ê hatin girtin û rojnameya Hem Mîhen hatiye daxistin û nûçegihaniya “ILNA”yê hatiye qedexekirin. Hevdem tevî vê kiryara serkutker de, makîna îdamkirina rejîmê yê ketiye kar. Hesenpûr û Botîmar rehînên Komara Îslmaî ne. Ew goriyên azadîkujî û komployên qirêj û mirar ên dîktatoriya hikûmetê bona derbasbûn ji qeyran û kirîza civakî û doza Etomî ne. Kirîzek ku her bixwe pêk anîne.

 Komara Îslamî ev du xortên biwêr û azadîxwaz ên welatê me bi îdamê mehkûm kirine, heya jin, mamosta, çalak û xebatkarên mafên neteweyî, bizava karkerî û xwendekarî bitirsînin. Hesenpûr û Botîmar bi îdamê mehkûm kirine heta dengê azadîxwaziya rojnamevan û rewşenbîrên Kurd bifetisîne û xebata demokratîk ya neteweyên niştecih ên Îranê ji bo bidestveanîna mafê wekhev û adîlane û dawîanîn bi ferq û cudahîdananê tepeser bike. Hesenpûr û Botîmar bi cezayê îdamê mehkûm kirine heta berxwdaniya karker, jin û xwendekarên ku niha di girtîxaneyê de ne û li ser bîr ramanên mirovî û mafên destpêkî û bingehîn yên xwe biîsrar in û tekezê dikin û ji bo xuyakirina nerazîbûnê dest yê dane gireva  birçîbûnê, têk bişkînin.

 Hevdembûna derkirina biryar îdama rojnamevanên Kurd tevî nimayîşkirina îtirafên televîzyonî, serkut û tepeserkirina çalakên tevgera jinan, kedkaran û girtin û binçavkirina bikom ya xwendekaran nîşaneya êrîşa sîstematîk û pilanrêtî û seranserî ya rejîmê li dijî cudabîr û azadîxwazan e. Nîşaneya vê yekê ye ku hikûmetê hevdem navendên tevgerên nerazîbûnê yê kirine armanc û dixwaze bi zora serkut û çewisandinê pêşiya pêwendiya seranserî ya tevgerên nerazîbûnê bigire. Derkirina hukmên îdam, revandina çalakên karkerî û awayê liv û lebata wan tevî xwendekaran dide xuyakirin ku hikûmet yê ketiye tengasiyê û ji ber xurtbûna hesta tirsê dest yê daye tolhildanê û pêkanîna tirs û xofê di girtîxaneyan û derdora wan. Her çiqas rewşa niha ya opozîsyon û hikûmetê li gor sala 1988’an bi tevahî biferq e, lê divêt em hişyar bin û keys û derfetê nedin rejîmê ku ji bo serkevtin bi ser rezîlî û rûreşiya xwe de, kul û kîna karesata neteweyî û kuştina bikom ya girtiyên siyasî di vî welatî de nû bike û di bêdengiyê de xebatkarên rêya azadiyê bide bin darê îdam û daliqandinê.

 Bona ku bela û felaketek wisa dubare nebe, nabe em ji bo xuyakirina nerazîbûn û protestokirin li hember biryara îdamê dereng bikin û rabiwestin. Heke her îro em ji bo serbestberdana girtiyan berxwedaniya giştî  organîze nekin, sibê pir dereng e. Ji ber ku ev kare parastina mafên mirovan û berevanî ji mirovahiyê ye. Eger azadîxwaz bi bersivdana bi vê erk û wezîfeyê de, bi yekdeng û yekîtiyê bixebitin, di hêzek wiha de beşdar in ku bikarin paşdekişiyanê bi êrîşên dîktatoriyê bikin û betalkirina biryara îdamê û serbetsberdana girtiyên siyasî bi ser rejîmê de bisepînin.

 Hêzên azadîxwaz!

 Werin em bi hev re alîkariyê didin hev û bi hevgirtin û yekîtiyê berevaniyê ji çalakên xwendekarî, jinan, karkeran û xebatkarên mafê neteweyî bikin. Werin ji bo betalkirina biryara îdamê hevdeng bin û nehêlin Ednan Hesenpûr û Hîwa Botîmar biçin bin darê îdamê û ji wan kesan ku dixwazin bi şikandina pênûsan û birîna zimanan, temenê rejîmê dirêj bikin, netirstir bin.

 Em tev hêzên azadîxwaz û pêşketinxwaz ên welat ji bo hevahengî di rêxistin û organîzekirina karzar ya bibandor di xebat li dijî serberedayiyê, berevanî ji azadkirina girtiyên siyasî û berlêgirtin ji îdama Ednan Hesenpûr û Hîwa Botîmar de gazî dikin.

 Em ji hemû organ û parêzvanên mafên mirovan, partî û rêxistinên azadîxwaz û kom û komeleyên navneteweyî dixwazin serbarê mehkûmkirina birayar îdamê, bi awayê bibandor û pêwîst  piştgiriyê ji xebata xelkê Îranê ji bo berçavgirtina mafên mirovan, betalkirina biryarên îdamê û serbestberdana girtiyên siyasî bikin.

 Partiya Demokrat ya Kurdistana Îranê

 Komele – Rêxistina Şoreşvan ya Zehmetkêşên Kurdistana Îranê

 Rêxistina Fedayiyên Gelê Îranê

 Rêxistina Fedayiyên Gelê Îranê(Ekseriyet/Piranî)