|
we de ye, ke yfxweş in. Bi vê
boneyê ve, em pîrozbahiyê xwe ên herî germ pêşkêşî we dikin û hêvî dikin we
Kongireyeke serkevtî hebe.
Gelî birêzan!
Yekîtiya Ciwanên Demokrat ên
Kurdistana Îranê, yek ji diyariyên neteweyî ên Komara xweştivî ya Kurdistanê ye
û xwediyê dîrokeke geş û birûmet û serbilindî ye. Di qonaxa nû ya xebatê de jî
ku li pey hatin serkara rejîma Komara Îsalmî a Îranê dest pê dike, Yekîtiya
Ciwanan di xebata çiya û bajar de alahilgirê xebat û berxwedaniyê li dijî
çewisandin û stem û zordariya neteweyî bûye, hejmarek berbiçav ji endam û
alîgirên wê rêbaza birûmet û şan û şeref canê xwe bext kirine, yan di
girtîxaneyên biyom ên rejîmê de hatine hepskirin. Niha jî di çepera zanîngeh û
xwendingehan heta şeqam û rêgehên bajaran de em şahîdê fîdakarî û çalakiya
ciwanan in.
Li derve û xerîbiyê, li nav dilê
Kurdistanê, li girtîxaneyan û bi giştî li her cihekê ciwanekî/ê Kurd heye, hebe,
tevger û berxwedanî li dijî rejîma dijberê ciwanan ya Komara Îslamî, ber bi
pêşdeçûnê de ye.
Ciwanên bihest û şoreşvan ên gelê
me li derveyî welat, niha wekî hêzek çeleng û xuya di hemû warên siyasî, çandî,
hunerî û xebata sivîl û medenî de bi awayekî hêja û jêhatî erkên neteweyê û
welatparêzî ên xwe dimeşînin û di nava kom û komeleyên siyasî û sivîl yên
navneteweyî de ê bûne zimanhalê neteweya Kurd. Her ev hewl û tekoşîna wan ya
berbiçav jî bû ku sala berê Yekîtiya Ciwanên Demokrat ên Kurdistana Îranê weke
endamê Rêxistina Enternasyonala Sosyalîs a Ciwanan hate wergirtin û
serbiliniyeke din ji bo ciwanên bihest û welatparêz ên gelê me û tevgera
rizgarîxwazane ya Kurd tomar kir. Em çavnihêriya vê çendê dikin ku rêberiya
hilbijartî a Kongireya Çarem a Yekîtiya we, zêdetir ji vê çendê hewl û bizavê
bide bona ku di kom û komeleyên navneteweyî û yekîtiyên ciwanên dinê yên cîhanê
weke endam bihê wergirtin heta delîveya xebat û çalakiyên wê berfirehtir bibe.
Ciwanên xebatkar!
Hûn baş dizanin ku rejîma Komara
Îslamî ya Îranê ku di hemû warekê ve welatê me tûşî rojreşî û xem û kovanan
kiriye, ciwanên bihest û welatparêz yên me rastî kişandina madeyên bêhişker û
dehan diyarde û derdên kirêt û biyom ên civakî kirine. Yan kom kom ciwanan
dişîne navendên perwerdehiyê ên deste û taqimên teorîstî û wan dike goriyên
siyasetên dijî mirovî ên xwe. Di vê navberê de rewşa ciwanên Kurd li Kurdistana
Îranê ji cihên din yên Îranê xirabtir e û roj bo rojê ber bi alozî û nebaşiya
bêtir diçe.
Ji bo rizgarkirina wan ciwanan,
take rê xebat û dijberî tevî rejîmê ye. Bona vê meremê hewce ye rêberiya nû ya
YCDK Îranê, her çiqas zêdetir ciwanên Kurdistana Îranê di bin çetra xwe de kom
bike heta bona vê xebat û berxwedaniyê hêz û şiyaneke bêtir bidest bixe. Di
heman hal de daxwaza me ji ciwanên Kurd evaye ku tevlî yekîtiya xwe, YCDK Îranê
bibin û bi vî awayî hêz û şiyan û karîna xwe a takekesî bixin ser hev, heta
bikaribin bi hiloşandina Komara Îslamî ya Îranê û avakirina hikûmeteke nû ku
hevdem vîn û îradeya tev takekesên civaka Kurdewarî û nemaze ciwanan be û çi din
em şahîdê vê rojreşî û bêpariya ciwanên xwe nebin.
Hevalên qedirbilind!
Bi vî awayî di vê Kongireyê de erk
û wezîfeyên girîng yê ketine ser milên we ne, bi liberçavgirtina ceribîna xebat
û tekoşîna we û bi taybet bûyerên piştî Kongireya sêyem, pêwîst e bi dahûrandin
û şirovekirineke hûr û tevalî ji bo domandina xebat û tekoşîna pêşerojê
mekanîzman diyarî bikin ku yekrêzriya her çiqas bêtir ya yekîtiya we misoger
bike û ew çavnihêrî bihê cî ku hûn û gelê Kurd meraqa wê dikim.
Partiya Demokrat ya Kurdistana
Îranê her wekî berê digel hest bi berpirsiyarkirinê her cure alîkarî û
piştgiriyek pêşkêşî Yekîtiya Ciwanên Demokrat ên Kurdistana Îranê kiriye, bi
taybet piştî Kongireya sêzdehem a xwe de bi kiryar meydana zêdetir ji bo kar û
çelengiya ciwanan di rêvebirina kar û barên partiyê de di hemû astekê de pêk
aniye, niha şûn de jî careke din li ser piştevanî ji Yekîtiya we tekezê dike û
bi hêviyeke geş ji pêşeroja xebata we ya pîzor û rûmetdar dinêre.
Serkevtî be Kongireya Çarem ya YCDK
Îranê
Bihiloşe rejîma kevneperest ya
Komara Îslamî a Îranê
Serkeve xebata hevbeş a neteweyên
Îranê ji bo pêkanîna Îraneke demokratîk û federal
Partiya Demokrat ya Kurdistana Îranê
Deftera Siyasî
04.08.2007
13.05.1386 |
