Ji bo azadkirina xwendekarên binçavkirî tekoşînê bikin!

 Hêzên Komara Îslamî ya Îranê di 16’ê Serrmawezê, Roja Xwendekaran, êrîşê dikin ser zanîngehên Tehran û hejmarek zaf ji zanîngehên bajarên din ên Îranê û bi dehan kes ji xwendekarên zanîngehên han binavç dikin.

 Gazîkirin, gefxwerin û girtina xwendekaran bi armanca tirsandin û bergirtin ji pêkanîna civînên giştî di zanîngehên welat de, berî Roja Xwendekaran di 07’ê Çileya Pêşîn de, bi girtina xwendekarên çepgir dest pê kir û di rojên 07 – 09.12.2007’an de, êrîşa han gihîşte qasa herî zêde. Lê serbarê girtina berfireh a xwendekaran û tundkirina zirûfa ewlehî di zanîngehan de, xwendekar ne tenê netirsiyan, belku li hember êrîşên hêzên rejîmê de berxwedan ji xwe nîşan dan.

 Her çend ku navendên tepeserkirinê ên rejîma Komara Îslamî ya Îranê gellek hewl dan ku pêşî lidarxistina meşa xwendekaran di roja 09.12.2007’an de bigirin, lê xwendekarên zanîngehan serbarê hebûna bîr û rayên cuda, di vê rojê de bi beşdariya berçav a xwe di xwenîşandanên han de, hevpêwendî û hogiriya xwe ji bo xebat li dijî neyarên azadiyê nîşan dan.

 Hêzên rejîma Komara Îslamî ya Îranê di roja xwendekaran de, êrîşê dikin ser xwendekarên çepgir ku dixwestin li hember kuleja Teknîkî a zanîngeha Tehranê de kom bibin û di encam de pitir ji 30 kes ji xwendekaran binçav dikin. Ev xwendekar û girtiyên din niha li girtîgeha rejîmê de di bin zext û givaşê de ne û ji hebûna mafê pêwendî tevî malbat û parêzvanên xwe bê par in.

 Li gor hejmarek zaf ji raporan, Wezareta Ewlekarî a rejîmê ji bo hejmarek ji xwendekarên çepgir û çalakên bizava xwendekarî ku di serdemê Serok Komariya Ehmedînejad de di zanîngehan de hatine derxistin, girûpa lêpirsîna taybetî diyarî kiriye. Ew daxwazên xwendekarên girtî ji kesên din cuda bikin.

 Rojnameya “Kêyhan” çend xwendekarên Kurd ku di roja 09.12.2007’an de ji bo xwendekaran axivî bûn û piştevanî ji daxwazên neteweya Kurd di Îranê de kiribûn, bi cudahîxwaz û ser bi neyaran binav kiriye û rê ji bo tepeserkirina wan xweş kiriye.

 Rejîma Komara Îslamî ya Îranê bi xistina zaxt û givaşan bo ser xwendekarên girtî û îşkencekirina wan dixwaze ku zirûfekî ewlehî di zanîngehên welat de bide sepandin.

 Birêveçûna rê û resma Roja Xwendekaran di bervara 07.12.2007’an de, li zanîngehên Tehran û bajarên din ên Îranê de, nîşaneya vê çendê ye ku hêj zanîngeh zindî ye û rejîm heta bi tepserkirin, girtin û kuştina xwendekaran jî nikare nerazîbûna xwendekaran bifetisîne.

 Civîna Roja Xwendekaran, ji bo desthilatdaran eşkere kir ku cehdên wan ji bo tepserkirin û pêkanîna dijberiyan di nava xwendekaran de, bê çine ye û xwendekar bi dirûşmên “Hevgirtin, xebat û serkevtin” emegdar in û li hember zulm û zordariyê û ji bo bidestveanîna azadiyê, yekgirtî xebatê dikin.

 Em hevdeng tevî hêzên din ên azadîxwaz, serbarê mehkûmkirina êrîşên Komara Îslamî ya Îranê bo ser zanîngehan, daxwazê gişt azadîxwazan dikin ku bi awayekî hevgirtî ji bo azadîkirina bilez a xwendekarên girtî, hewl û tekoşînê bikin.

 Partiya Demokrat a Kurdistana Îranê

 Rêxistina Yekîtiya Fedayiyên Gelê Îranê

 Rêxistina Yekîtiya Gelên Îranê – Piranî

 Komeleya Zehmetkêş ên Kurdistana Îranê