|
Bernameya karê yazdehemîn civîna
Komîteya Navendî bi rawestandina deqîqeyek bêdengî bo rêzgirtin ji canê paqij yê
şehîdan dest pê kir.
Piştre rêzdar Mistefa Hicrî,
xêrhatina beşdarên komcivînê kir û destûra karê civînê xiste ber nêrîn û dîtina
beşdarên civînê û piştî pejirandinê, beşa yekem a bernameya xebatên pilînomê ku
pêk hatibû ji baseke siyasî li ser rewşa niha a siyaseta navneteweyî, Rojhilata
Navîn, Îran û Kurdistanê û nemaze pirsên têkildar bi doza Kurd hatin
pêşkêşkirin.
Rêzdar Hicrî di basa xwe de qala
encama hewl û bizavên navdewletî li dor pirojeya çekên Etomî a Îranê û
berdewambûna rejîmê li ser domandina pirojeya han û bersivnedana wê bi daxwazên
navneteweyî bi armanca sekinandina meyandin û zaxkirina Uraniyûmê kir. Di vê
derbarê de, Sekreterê Giştî yê PDK Îranê, îşare bi cehd û hewldanên dîplomatîk
ên welatên 5+1 û Rêxistina Navneteweyî a Vejena Etomê û Konseya Ewlekarî a
Rêxistina Neteweyên Yekbûyî kir. Rapora han tevî analîzkirin û dahûrandina rewşa
Hikûmeta Herêma Kurdistanê, Îraq û hikûmetên Ereb ên herêmê, qala vê rastiyê jî
kiribû ku welatên 5+1 di civîna dawîn a xwe de, roja 23’ê Çileya Paşîn a 2008’an
li ser biryarekê li hev kirin ku rengê vê hindê dide cezayên giran û tund ên
aborî li ser Îranê pêşniyar neke û di heman hal de, nermînîşandaneke zêdetir ji
aliyê Komara Îslamî a Îranê ve li dor gotûbêj bi Amerîkayê re tê xuyakirin, hemû
nîşane wisan didin xuyakirin ku Amerîka di kurtdem de hinek îmtiyazan bide Îranê
heya bikare projeyên xwe di herêmê de pêşde bibe.
Komcivînê piştî bas li ser beşeke
din ji raporê ku analîzek bû li ser berxwedana qehremanane a xelkê Îranê û bi
taybet xelkê Kurdistanê û serkut û çewsandina bêrehmane a wan, piştgiriya xwe ji
berxwedan û tevgera mafxwaziya xelkê Îranê, nemaze hereket û tevgerên nerazîvûnê
ên xwendekaran da xuyakirin û êrêîşa hêzên kirêgirtî ên rejîmê bo ser zanîngeha
Tehranê û zanîngehên din ên Îranê û tepeserkirina xwendekaran mehkûm û şermezar
kir.
Beşeke din a vê basa siyasî ji bo
behs û peyivîn li ser alîkarî û hevxebat tevî hêzên siyasî ên Kurdistana Îranê
bi armanca gihîştin bi ji hev nêzîkbûna wan hêz û partiyan, hatibû terxankirin.
Komcivîna Komîteya Navendî a PDK Îranê hewl û xebatên Polîtbîroya partiyê ên
pêwendîdar bi vê yekê bilind û hêja nirxand, hesiband û domandin bi diyalog û
gotûbêjê bona ji hev nêzîkbûnê tevî ew partî û aliyane bi gaveke pîroz û erkeke
neteweyî zanî.
Her di vê demê de, civîna Komîteya
Navendî a PDK Îranê, hevnavbûna PDK Îranê û aliyê cudabûyê ji partiyê bi kosp û
astengeke sereke zanî û li ser vê baweriyê bû ku guherîna wî nav û diyarîkirina
naveke din ji aliyê wan ve, dikare ji bo pêkanîna pêwendiya navbera wan du
aliyane û di bi encam de armanca pêşdebirina projeya li hev nêzîkbûnê, hevkarî û
hevbendiyê alîkarek baş be.
Beşeke din a programa kar û xebatên
civînê ji bo kongireya çardehem a partiyê hatibû terxankirin. Piştî baseke
berfireh û tevalî û guhertina dîtin û nêrînan li ser vê mijarê, komcivîna
Komîteya Navendî çawaniya amadekarî ji bo pêkanîna kongireyê diyarî kir û çendîn
şand ji bo qedandin û derbazkirina erkên kongirê destnîşan kir.
Beşeke din a karê civînê taybet bi
kar û têkoşîna partiyê û rêveberiya organên partiyê bû. Di wê beşa bernameyê de
jî, beşdarên komcivînê aliyên wê basê şirove kirin û nêrîn û dîtinên xwe ji bo
çêtir bicîgehandina erkên hizbî, kêmasî û çawaniya kêmkirina wan, xistin rojevê.
Partiya Demokrat ya Kurdistana Îranê
Deftera Siyasî
30.01.2008
10.11.1386 |
