|
Başûr, topbarana herêmên tixubî ya
Kurdistana Azad dikin. Dewleta dagirker a Tirk, ne tenê bi topbaranê, her
usa bi firoke û hêzên zemînî ve jî êrîşa Kurdistana Başûrê kir.
Êrîşa esmanî û topbarana herdu
dewletên dagiker bûye sedema ziyana canî û malî. Gundiyên ser tixûb, bona
parastina canê xwe, zevî û bax û malê xwe bi ci hiştine û koç bûne.
Dewleta Tirk her usa di vê Newrozê
da jî êrîş kire ser gel û xwîn rijand. Ji ber êrîşa rejîma xwînrija Tirk li ser
pîrozkirina Newrozê, du kesan jiyana xwe ji dest dan, bi sedan Kurd birîndar bûn
û hatin girtinê.
Rejîma şoven a Bees a Sûrî jî di
Newrozê da êrîşê ser Kurdan kir, ku dixwastin bi şiklê aşitiyane cejna Newrozê
pîroz bikin. Hêzên ewlekariya rejîma şoven a Bees, tehamulê pîrozkirina Newrozê
nekirin û gule li ser Kurdan da barandin. Di encema êrîşa hêzên asayişa rejîmê,
3 kurd hatin kuştin û bi dehan Kurd jî birîndar bûn û hatine girtin.
Gelê
me yê zilmditî!
Welatparêzno!
Her wekî eyan e, neyarên me,
dewletên dagirkerên Kurdistanê amade ninin hebûna me û mafên me yên netewî û
demokratîk û siyasî îtîraf bikin û binasin. Ew di siyaseta zilm û zordariyê da
berdewam in. Her roj bi behaneyek êrîşa ser me û destkevtiyên Kurdistana Başûr
dikin.
Bê guman tenê berxwedan, xebat û
hevkariya hezên welatparêz pêşiya nehezên azadiya me û dijminê demokrasiyê û
êrîşa wan digrin.
Ji bona vê yekê partî û hêzên Kurd
û Kurdistanî yên ku li jêrê navê wan hene, carekî dinê êrîşa neyarên gelê me
mehkûm dikin, banga hemû hêz û kesên welatparêz dikin, ku bona peşîlêgirtina
êrîşa ser gelê me destê xwe bidin hevdu.
Em banga Neteweyên Yekbûyî (UN),
Yekîtiya Ewropa (EU) û hemû rêxistinên mafên mirov û humanîst yên navnetewî
dikin, ku dijî êrîşa dewletên Îran, Tirkiyê û Sûrî li ser gelê me û Kurdistana
Başur dengê xwe bilind bikin, fişar li dewletên han re bikin, daku bona
çareserkirina pirsa Kurdî bi rêya diyalog û dan û standinê bigrin ber xwe, ligel
Hikûmeta Herêma Kurdistanê pêywendiyên siyasî, aborî û çandî deynin.
31’ê Adara Sala 2008
- Partiya Demokrat a Kurdistana
Îranê (HDKÎ)
- Sazûmanî Xebat a Kurdistana Îranê
- Partiya Azadiya Kurdistan (PAK)
- Partiya Azadî Kurdî li Sûriyayê
- Partiya Yekîtiya Demokratîk a
Kurdî li Sûriyayê
- Partî Demokratî Kurdî li Sûriyayê
(Elpartî )
- Partiya Demokratîka Pêşverû Kurdî
li Sûriya
- Partiya Demokrata Kurdistan –
Bakur
- Partiya Welatparêzên Demokrat (
PWD )
- Partiya Sosyalîsta Kurdistan (PSK) |
