Çend şevan berî niha li gundê Dêlziyan a ser bi Diyanan a li Başûrê Kurdistanê, keçeke temen 16 salî seba nîqaşekê tevî birayê xwe bi benzînê xwe şewitand. Di vê derheqê de çavkaniyek ku nêzîk malbata navhatî ye û hez nekir ku navê wî were eşkere kirin, ji

“Kurdistanonline”ê re da zanîn ku sedema xweşewitandina keça han ya bi nava (C.L), nîqaşa di navbera wê û birayê wê li ser wê çendê ku bûye ku wê bi telefonê tevî keseke din axiviye û birayê wê jî bêhurmetî jê re kiriye, bûye, di encam de ji ber vê sedemê, keça han xwe bi benzînê dişewitîne.

 Wî her wiha got ku: “Keça han a temen 16 salî bilez ji aliyê xizm û malbata wê ve ber bi nexweşxaneya  bajarê Soran hatiye şandin û li wir jî ber bi Hewlêrê hatiye şandin, lê seba xurtbûna asta şewitînê ku 85% bûye, keça navhatî jiyana xwe ji dest dide.

 Ji ber paşdemayîna civakî û serdestbûna mêr serdestiyê û gellek sedemên din ên kulturî, civakî û aborî li Kurdistana Başûr, tund û tûjî li dijî jinan bi berfirehjî dimeşe û bi sedan ji keç di salê de dibin goriyên rewşa han û bi awayên cuda cuda dawiyê bi jiyana xwe tînin.