|
YCDK
Îranê li derveyî welat û
herwiha bi nûneriya 143 saziyên endam ji 100 welatên cîhanê, di Enternasyonal
Sosyalîst A Ciwanan de dest pê kir. Emê deqa vê beyannameyê li jêr pêşkêşî we
xwendevanên hêja û delal bikin:
Ez berî her tiştî bi nûneriya bêtirî
143 saziyên endam ji 100 welatên cîhanê, di Enternasyonal Sosyalîst A Ciwanan de
bixêrhatina hemû mêvanên xweştevî û xebatkarên rêya azadî û aştiyê dikim û bi
hinceta sedsaliya avabûna saziya “IUSY”yê, pîrozbahiyên xwe pêşkêşî hemû ciwanên
cîhanê û hemû endamên xebatkar di vê saziyê de dikim.
Sed salan berî niha em bona gihîştin
bi wan armancan dixebitîn ku îro rojê em jê re xebatê dikin. Demokrasî,
wekhevî, mafê giştî û aştî. Îro rojê pitir ji her demeke din em bawerin ku
tenê piştevaniya navneteweyî ye ku dikare me bi mafê xwe nêzîk bike.
Em li vir weke dost bi yekdengî bona
van daxwazên jêr dora hev kom bûne:
Aştî:
Yekîtiya Ciwanên Sosyalîst a
Navneteweyî berî wê çendê ku cîhan du şerên cîhanî biceribîne, hatiye
damezirandin. Xebat bona bidestveanîna aştiyê, piştî derbazbûna sed salan jî her
xwediyê zêdetirîn girîngiyê ye.
Armanc ji aştiyê tenê nebûna şer
nine, belku ji afirandina hindek zirûfên girîng bona gihîştin bi armancên me pêk
tê: pêşkevtin, wekhevî, dad û azadî. Şer û pevçûn
gefek e li ser bingehên dad û edaletê û herwiha dibe sebebê xurtkirin û
berfirehkirna bê edaletî û şer û pevçûnê di cîhanê de.
Bidestveanîna aştiyê, di nava
bernameyên me yên siyasî de ye û yek ji armancên xebata me ye. Em daxwaza aştî û
edaletê dikin, ev daxwaza me jî bo nifşa îro ye!
Demokrasî:
Me bi dirêjahiya sed salan, xebata
xwe li dijî dîktatorî û zordariyê dom kiriye. Me gellek heval di rêya aştî,
azadiya gotin, azadiya kar û xebata rêxistinî û çalakiyên siyasî ji dest daye,
lê heya niha jî em di vê xebatê de serneketine.
Piraniya me di bin sîbera rejîmên bi
rûyekî demokrat û di bingeh de dîktator, jiyana xwe dom dikin. Niha jî cîhana me
tejî ye ji wan rêveberên siyasî ku bi gef û hêza leşkerî desthilatdariyê dikin.
Tenê ew kesên azad ku hewcehiyên xwendinê, mafê raderbirînê û mafên wan yên dinê
hatibe parastin, dikarin birêveberiya xwe bikin.
Demokrasî hem armanc û hem çawaniya
karkirina me ye, rê û armanca me ye, alav û armanc jî tê hesibandin. Di gişt kar
û barên siyasî de, pirensîpên beşdarîkirin bi awayekî demokratîk, rûrastî û
berpirsiyariyê li ber çav digirin.
Em daxwazê ji hêzên siyasî dikin ku
rêya me bigirin pêşberî xwe.
Dadperweriya Civakî:
Civakeke dadperwer, civakeke wekhev
e. Emegdariya me bo civakeke dadperwer li ser xebata me bona dada aborî xwedî
bandor e. Alev û amûrên me yên herdemî di dewleta alîgirê asûdeyiyê de,
parêzvanî ji bêkaran û piştevanîkirin ji kesên kal û temenjor, çawaniya
xizmetkirinên giştî û hebûna sendîkayên bihêz e ku bûye sebebê parvebûna
desthilatê di civakê de. Lê rêyeke pir dirêj pêşberî me ye.
88 milyon ji ciwanan bêkar in.
Pitir ji sedan milyon ciwan kar dikin, lê her di xizaniyê de dijîn. Li Afrîqayê
pitir ji 300 milyon kes di bin hêla hejariyê de ne. Em careke din piştevaniya
xwe ji pêşkevtina rewşa aborî ya welatên Afrîqayî eyan dikin. Em daxwaza
dadperweriya civakî ji bo gişt xelkê cîhanê dikin, ne tenê ji bo çîn û qateke
taybet.
Wekhevî
Me
di doma sed sal li xebata xwe ji bo wekheviyê de, gellek destkevt hebûne, lê
dîsan jî bona gihîştin bi civakeke wekhev, rêyeke pir dirêj pêşberî me ye. Îro
em ji bo xebat li dijî, mêrserdetî û regezperestiyê di gişt cîhanê de peymanê nû
dikin. Nabe ol û kultur weke hêcetekê bo paşdekişandina me ji armancên me bona
wekheviyê were bikaranîn. Wekhevî ne bi wê wateyê ye ku cudahî nebin. Em dikarin
di çand, hilbijartinên takekesî û armancên siyasî de bi ferq bibin, lê divêt ji
wan ferq û cudahiyan bo çêkirina pirekê bona rêzgirtin ji hev mifah were
standin.
Di vê sedsalê de, me bi hev re
cudahî hebûne û di pêşerojê de jî ferqa me dê bi yek qasî be. Lê ferq û cudahî
tenê ji rêya hurmetgirtin bi ferq û cudahiyên xelkê din tê parastin.
Pêşeroja Sosyalîzmê:
Di doma van çend salan de, em
şahidê gellek guhertinên civakî û aborî bûne. Bingeha me di bizava Sosyalîzma
Demokratîk de ye. Lê em di bin bandora xebat bona azadiya jinan, aştî û
wekheviya neteweyî, çalakiyên xwe didomînin. Her wiha hewce ye basê xurtbûna
bizavên xelkê li hember sîstemên bêdad yên navneteweyî bikin.
Di pêşerojê de divê sosyalîzm ew
xebatê di her du astên neteweyî û navneteweyî de bidomîne.
Em niha û di pêşerojê de jî dê
rêbaza xelkê xwe nû bikin û bona berevanîkirin li hember bêedaletî û ew gefên ku
em xistine dorpêça xwe de, dê ber bi pêş bibin. Lê serbarê hemû wana jî em
baweriya xwe ji dest nadin ku di cîhaneke çêtir de bidest bixin.
Em serbilind in ku Sosyalîzm û
Sosyal Demokrat in. Rûmet û şanaziyê bi destkevtên xwe dikin, lê em bi vê yekê
razî ninin. Gellek şer hene ku divêt werin sekinandin, pir netewe hene ku divê
serbest bin, divêt sîstemên nû werin afirandin, desthilat û aborî jî divê were
parvekirin.
Em emegdariya xwe ji bo wan kesan
eyan dikin ku berî me di vê saziyê de xebat kirine û rêya wan dê bidomînin, bona
gihîştin bi cîhaneke azad û dadperwer.
Yekîtiya Ciwanên Sosyalîst ên
Navneteweyî
26.08.2007
|
