Bi hinceta 10’ê “Octobêr”ê Roja cîhanî a xebat li dijî îdamê û eşkerekirina ew daliqandin û binpêkirina berfireh ya mafê mirovan di Îranê de, çalakên Îranê yên Parêzerên Mafê Mirovan li Ewropa û Amerîkaya Bakûr, rapora xwe ya salane derheq rewşa îdamkirinê di Îranê de bi awayê jêrîn pêşkêşê raya giştî dike:

Rapora han nav û nîşanên wan kesan bi xwe ve  digire ku li heyamê Çiriya Pêşîn a sala 2006’an, heya Îlona 2007’an, di Îranê de yan bi îdamê hatine mehkûmkirin yan hatine daliqandin. Agahiyên hatî di vê raporê de bi giştî li gor agahiyên nûçegehanan, rojname, malperên nûçegehanî yên cur bi cur di hundirê Îranê û herwiha hejmarek ji çavkaniyên derveyî welat e. Bi li berçavgirtina sansorên heyî li ser nûçeyan û jêderên hundirê Îranê, nûçeyên derheq kesên daliqî di Îranê de nahên weşandin yan bi kêmî tên weşandin, lewra rapora han tenê beşek ji wan kesên daliqî yan li benda îdamê di Îranê de bi xwe ve girtiye.

Rapora berbest du lîsteyan bixwe ve digire.

1-Lîsteya kesên îsambûyî

2-Lîsteya kesên li benda birêveçûna biryara îdamê ne

Lîsteya hejmara yek:

Li gor lîsteya han bi giştî biryara li darvekirina 265 kesan di heyama 10 mehên borî de hatiye birêvebirin ku li gor sala borî %140 jorde çûye.

-3 kes ji wan jin in.

-34 kes ji wan girtiyên siyasî bûne ku hejmara wan 6 hemberî sala borî ye.

-Îdamkirina li berçavê xelkê, li gor sala borî 2 hember zêde bûye.

-Yek ji kesên mehkûmbûyî bi îdamê li ber çavên xelkê hatiye berbarankirin.

-Temenê 77 kes ji wan mirovên lidarvekirî ku di vê raporê de hatiye, bi vî awayî ye: 47 kes ji wan 30 salî bûne û 30 kes ji wan temenê jordeyî 30 saliyê hebûne. Kesê îdambûyî yê herî kal û bi temen, 65 salî bûye.

-Agahî derheq 57 kes ji wan, bi terzekî nekemilî berdest e.

Lîsteya hejmar du:

Li gor lîsteya han, 218 kes li benda lidarvekirinê ne. Herwiha li gor agahiyên ketî berdest, biryara daliqandina 39 kesên din ku di salên borî de biryara îdamê derheq wan hatibû dan, carek din ji aliyê Dada Bilind ya Îranê hate pejirandin. Hêjayê gotinê ye ku navê van kesan di vê Lîsteyê de ber dest nine.

Hejmara dana biryara îdamê li gor sala borî %60 jorde çûye.

-11 kes bi kevirbaranê (recimkirinê) hatine mehkûmkirin.

-26 kes ji wan jin in.

-5 kes girtiyên siyasî ne.

-Li gor agahiyên berdest, temenê 98 kes ji wan bi vî awayî ye:

4 kes ji wan jêr 18 saliyê ne, 63 kes di nava 18 heya 30 saliyê de ne û 31 kes ji wan jordeyî 30 saliyî ne. Hêjayê gotinê ye ku 7 kes ji wan li dema encamdana cezayê, di bin 18 saliyê de bûne.

-Agahî derheq 76 kes ji wan, bi awayekî nekemilî ye.

Çalakên Îranê yên Parêzerê Mafê Mirovan li Ewropa û Amerîkaya Bakûr

10.10.2007