Roja 25’ê Novemberê, Roja Cîhanî a Xebat Li Dijî Tund û Tûjiya Li Hember Jinan e. Ban Ki Moon, Sekreterê Giştî ê Neteweyên Yekbûyî, di peyamekê de bi hinceta 25’ê Novemberê got: Tund û tûjî li dijî jinan binpêkirina mafê mirovan e ku mixabin niha jî bi awayekî berfireh di cîhanê de tê birêvebirin û kiryarên han weke ceza tên hesibandin û em kiryarên han mehkûm dikin û dê li hember de

bisekinin.

Wî got: kiryarên han gefek e li dijî gişt jinan û astengek li hember tev xebat û tekoşînên cîhanê ji bo pêşveçûn, aştî û wekheviya zayendî ye.

Sekreterê Giştî ê Neteweyên Yekbûyî di peyama xwe de anî ziman: Saziyê ser bi malbata Neteweyên Yekbûyî di halê xurt û berfirehkirina çalakiyên xwe di gişt waran de ye û ji bo yekgirtina wan çalakiyan bi giştî, me biryar daye hevgirtineke berfireh heya sala 2015’an, bi armanca çareserkirina tund û tûjiya li dijî jinan, pêk bînin.

Ban Ki Moon zêde kir û got ku tekoşîn ji bo jordebirina asta têgihîştinên giştî, pêkanîna vîna siyasî û pêşkêşkirina rêyên çareseriyan baş ji bo welatên cîhanê derheq ji holê rakirina tund û tûjiya li dijî jinan, di halê encamdanê de ye, lê hêj zaf kar û xebatên me mane da ku pirsa han bê çareserkirin û tund û tûjiya li dijî jinan ji nav here.