Li gor rapora Nûçegihanên “ISNA”ê, heya roja 22.12.2007’an, hejmara kesên tûşbûyî bi nexweşiya “HIV”ê, gihîştiye 16679 kesan û di vê serhejmariyê de, 1269 kes di pileya xurt a nexweşiya “HIV”ê de ne. Eva di demekê de ye ku li gor serhejmariya Wezareta Tendurustî a rejîmê, sê meh berî bervara han, hejmara kesên tûşbûyî bi nexweşiya Îdzê, 1690 kes bûn. 

 Li gor serhejmariya han ji koma 16679 kesên tûşbûyî bi nexweşiya Îdzê, %94 ji wan mêr û %6 jî jin in.

Her wiha 11537 kes, anku %67/5 ji kesên tûşbûyî bi vê nexweşiyê ji rêya bikaranîna sûreng û derziyên pîs tûşî nexweşiya han bûne. Her wiha heya niha sedema tûşbûna %22/9 ji kesên tûşbûyî bi vê nexweşiyê ne rohn e. 

 %7/6 jî ji rêya pêwendiyên cinsî (zayendî), %1/5 jê ji rêya xwîna pîs û %16 jî ji rêya veguhestina vîrûsa “HIV”ê bo zarokan pêk hatiye. 

 Li gor rapora “ISNA”ê, heya niha 2382 kes li Îranê bi sedema tûşbûn bi nexweşiya Îdzê, jiyana xwe ji dest dane ku di vê hejmarê de 91 kes jin û 2291 kes jî mêr in.

Karnasên vî warî, serbarê ragihandina hejmara kesên tûşbûyî bi nexweşiya Îdzê ku pitir ji 100000 kesan tê texmênkinin, li ser vê baweriyê ne ku nexweşiya han bi sedema girîngînedana desthilatdarên rejîmê roj li pey rojê zêdetir dibin.