|
jiyanê diqetînin.
Herwiha bi vê sedema han pirraniya
karmend û karkerên îdare û kargehên dewletî û nedeweletî û xwendingehên Îranê bo
heyamê çend rojan nekarîn kar û xebatên xwe yên rojane bimeşînin.
Hêjayê gotinê ye ku kirîza qetbûna
gazê gellek parêzgehên Îranê weke Tehran, Loristan, Simnan, Hemedan, Erdebîl,
Zencan, Qom, Qezwîn, Azerbaycana Rojhilat tevî sê ji çar parêzgehên Kurdistana
Rojhilat anku Kirmaşan, Kurdistan û Azerbaycana Rojava bi xwe ve girt ku pirsa
qetbûna gazê li hinek ji wan parêzgehan piştî yek an du rojan çareser bû, lê
piştî derbazbûna heftiyekê ji qetbûna gazê li her sê parêzgehên kurdakincî, hêj
pirsa han nehatiye çareserkirin û niha jî di hinek deverên Kurdistanê de xelk
tevî pirsa han berbirû ne.
Qutbûna gazê û nebûn û kêmbûna
şewatê di Kurdistanê de bû sedema jordeçûna bihaya nan, bi terzekê ku li bajarê
Urmiyê, buhaya her nanekê gihîşte 200 tûmenan. Li gor çavkaniyên
“kurdistanmedia”yê, li hinek bajarê Îranê û nemaze Kurdistanê, bi sedema nebûn û
giranbûna buhaya nan, di navbera xelk û nanpêjan de, pevçûn çê bûye.
Her bi vê sedemê, bihaya her 20
lêtir nifta sipî di Îranê de gihîşte 6 hezar tûmenan û çendîn kes di sir û
seqema dijwar de, jiyana xwe ji dest dan. Eva di halekê de ye ku Îran çaremîn
welatê dewlemend di warê niftê di cîhanê de ye û pitir ji %80 ji dahata rejîma
Îranê ji rêya firotina niftê dabîn dibe!
Serok Komarê Îranê, Ehmedînijad, bo
derbazbûn ji sir û seqema zivistana dijwar de, daxwazê ji xelkê Îranê dike ku li
cihê bikaranîna gaz û niftê, kincên zaf li xwe bikin.
Rejîma Îranê li cihê çareserkirina
pirsên xelkê weke giranî, nebûna gaz, feqr û xizanî, fehşa, bêkarî, îtiyad û ...
ku civaka Îranê ji dest wan dinale, dest û pêyên hevwelatiyên Îranê, tenê bi
tawana azadîxwazî û eyankirina nerazîbûna xwe derheq rewşa heyî, qet dike yan
wan didaliqîne.
Bo mînak kuştina hevwelatiyekî Kurd
di roja 16.01.2008’an, di binkeya ewlekarî a rejîma Îranê li bajarê Sine, bi
tawana azadîxwaziyê ku tevî nerazîbûna gellek sazî û rêxistinên Parêzvanên Mafê
Mirovan û herwiha welatên weke Amerîka û gelek jî kesayetiyên mirovhez, hem di
asta navxweyî û hem di asta navnetewî de berbirû bû û hate mehkûmkirin.
Rejîma Komara Îslamî a Îranê bi
milyonan dolar ji dahata xelkê Îranê ku ji rêya firotina nift û gazê bi dest ve
tê, ji bo girûpên terorîstî yên weke Hizbulaha Lubnanê, Hemas, Sipaha Mehdî, El
Qaîde yan bidestveanîna çekên etomî û çek û kereseyên leşkerî û destavêtin di
nav kar û barên welatê cîhanê û ... serf dike, di halekê de ku pitir ji 12
milyon ji xelkê Îranê li bin hêla feqr û hejariye de dijîn, bi milyonan kes bi
sedema nebûna kar tûşî madeyên sirker bûne, bi hezaran kes ji welatê Îranê ber
bi welatek din koç kirine. Heta li hinek deverên Îranê xelk ji hebûna ava paqij
ya vexwarinê jî bêpar in. Piştî derbazbûna 4 salan ji bûyera dilêş a erdhejê li
bajarê Bemê, ku pitir ji 45 hezar kes bûne gorî û canê xwe ji dest dan û mal û
avahiyên wan bi giştî wêran bûn, niha jî di bin xîwetan di rewşeke pirr xirab de
dijîn.
Erê gelo erk û wezîfeyên xelkê Îranê
ji bo sernixuniya rejîma desthilatdar li Îranê û gihîştin bi azadî û demokrasiyê
çi ne?
Her wek şehîd Dr. Qasimlo, rêberê
navdar yê Kurd dibêje: “Neteweyek ku azadiyê bixwaze, divêt nirx û bihaya wê jî
bide”. Netewên Îranê, nemaze netewa Kurd jî gellek xwîn ji bo gihîştin bi
azadiyê dane û bi hezaran zarokên wan bûne goriyê azadîxwaziyê, heta niha jî
negihîştine armancên xwe yên pîroz, lê bi armancên xwe nêzîk bûne.
Lewra bo vê çendê ku em gavek din bi
azadiya welat nêzîk bibin, daxwazê ji hemû xelkê Îranê, nemaze xelkê Kurdistanê
dikin ku di hilbijartinên gerra Heştem a Meclîsa Şewra Îslamî a Îranê ku qirar e
roja 16.03.2008’an, birêve here, beşdariyê nekin û bi beşdarînekirina xwe di
hilbijartin de carek din “NA”yê bêjin rejîma Îranê û berheqbûna rejîma Îslamî a
Îranê di asta navxweyî û navneteweyî de zêdetir bixin bin pirsiyarê.
|
