|
biriye û dibe. Zaf caran hatiye
mêzekirin ku ev rejîme ji wan alavan mifahê distîne ku di asta navneteweyî de ne
tenê dijî mirovî, belku cinayet li dijî mirovahiyê tên hesibandin.
Fêl û pîlana herî nû ku rejîma
Îslamî a Îranê li Kurdistanê de dimeşîne, şandina derziya Ensolînê, ji bo
Kurdistanê(Kurdistana Baûş) ku hilgirê vîrûsa Îdzê ye. Heftînameya Hawlatiyê di
raporkê de, roja çarşem, 23’ê Çileya Paşîn, da zanîn ku rejîma Îranê li rêya
derziya Ensolînê, cehda vê dike ku vîrûsa “HIV”yê di Kurdistanê de belav bike.
Jêderekê li Wezareta Tendurustî a Herêma Kurdistanê bo Hawlatiyê re ragehand ku
rejîma Îranê derziya Ensolîn ku ji bo nexweşiya Şekrê(Diyabêt)ê tê bikaranîn, ji
bo Herêma Kurdistanê dişîne. Çavkaniya han her wiha dibêje ku li gor van
ceribandinên ku li ser derziya han hatine kirin, kifş bûye ku gumana hebûna
vîrûsa “HIV”yê jê tê kirin, lewra me bi nivîskî gişt nexweşxane haydar kirine
wan derziyên ku ji Îranê re tên bikar, neînin. Di vê derheqê de birêveberê
nexweşxaneya Soran, Dr. Refîq Mela Mihemed, ev nûçeye pitrast kir û got: “Me
gişt nexweşxane û berpirsiyarên ewlekariyê ji vê yekê haydar kirine ku nabe
derziya han were bikaranîn û berî hatina wan ji bo Kurdistanê, pêşî ji hinartina
wan were girtin. Îdz nexweşiya bitirs û bêderman e ku rojane çendîn mirov li ser
topa gerdûnê jiyana xwe bi sedema vê nexweşiyê ji dest didin. Nexwşiya ku îro di
asta cîhanê de, bi milyon kes tûşî wê dibin û serbarê pêşveçûna zanista bijîşkî
û cehda zan û pisporên vî warî, hêj dermanek baş ji bo çareserkirina wê nesaxiyê
peyda nebûye. Nesaxiyek ku heta bi başî kifş nebûye ku bo cara yekemîn û li
kuderê nesaxiya han çêbûye. Salane bi dehan semînar û konferans li ser vê
nesaxiyê û şêwazên berevanîkirin li hember wê di seranserê cîhanê de tên
meşandin û dehan û sedan navendên zanistî di cîhanê de ji bo çareseriya
nexweşiya han û peydakirina dermanê pêdivî dixebitin.
Di zirûfeke wiha de, em mêze dikin
ku vîrûsa han a bitirs ji aliyê rejîma dijî mirovî a Komara Îslamî ya Îranê ve
têkelî derziya Ensolînê tê kirin û ji bo Herêma Kurdistanê tê şandin. Eva nîşan
û berjenga korbûna wê rejîmê ye ku ji meşandina tu cinayetekê li dijî gelê Kurd
xwe naparêze.
Heke rejîma Bees a Sedam ji bo
qirkirina gelê Kurd ji Enfala reş mifah distand û 180000 Kurdên wê para
Kurdistanê di newalên Başûrê Îraqê de bê ser û şûn kirin û 5000 kes ji xelkê
Helebçê bi gazên kîmyayî fetisandin, rejîma Xumeynî, ji bo biçokdaanîna gelê
Kurd li Kurdistana Îranê ji enfala sipî mifahê distîne!! Enfala ku gellek ji
enfala rejîma sedam xirabtir û bandorên wê kûrtir û bingehîntir in. Ew nexweşiya
ku çendîn milyon kes di Îran û Kurdistanê de tûşî wê bûne û roj bo rojê ji
hejmara wan zêdetir dibe û mirov berbi mirina hêdî dibe, ev jî nexweşiya madeyên
hişber e.
Derheq vîrûsa “HIV”yê eva yekemîn
mînak nîn e ku rejîma Komara Îslamî dest bi belavkirina wê di Kurdistanê de
dike. Di salên derbazbûyî de, kirêgirtiyên rejîme taqimek ji jinên hilgirê
vîrûsa han di nava bajarên Kurdistanê de belav kiribûn, daku bi karên kirêt û
têkiliyên cinsî ciwanên Kurd tûşî wê nesaxiyê bin.
Baskirin ji cinayetên wê rejîmê
derheq gelê Kurd, di dehan mijarên wiha de cih nagirin. Ji ber ku ew rejîme bi
xwîna Kurdan tênî ye û her carê cinayetekê dimeşîne. Em dikarin bibêjin
dujminatiya wê rejîmê tenê digel Kurdên Kurdistana Îranê nîn e, belku li cem wê
rejîmê, Kurd her Kurd e, wê rejîmê çavê dîtina ala rengîn a Kurdistanê tune ye,
tîrojên wê alayê mîna qîfarekê di çavê wan de diçeqin. Lewra gişt şiyan û karîna
xwe bona derbelêdan ji wê hikûmetê xistiye kar, heta bi anîna madeyên sirker bo
nav Kurdistanê, anîna madeyên teqînê ji rêyên cur bi cur, piştevanîkirin û
şandina taqimên terorîst mîna Cundulah û Ensar El Îslam, şandina terorîstan di
bin navê dîplomat, bazirganan û wd... vê carê jî di bin navê xizmetên bijîşkî
bona tûşkirina xelkê belengaz bi nexweşiya Îdzê.
Li vir em digihîjin vê encamê ku
eva rûçikê rastîn û kakila eslî rejîma dijî mirovî a Komara Îslamî ya Îranê ye.
|
