Wergeran ji farsî/ Hozan 

Zanîna sedemên têkçûna zewacan dikare alîkarê we be bona baştirbûna jiyana we a hevbeş, Pirsgirêkên aborî, hebûna lawaziyê di pêkanîna pêwendiyan de û rewşa hawîrdorê, hinek ji sedemên bingehîn ên têkçûna zewacan tên hesibandin.

Gişt pirsên han di zewacên salim de jî hene, lê ger bi terzeke baş û bi awayekî eqlanî tevî pirsên han livîn nehê kirin, dibe sedema têkçûna zewacan.

Pêkanîna pêwendî û gotûbêjan yek ji sedemên herî sereke bona serkevtina zewacan tê zanîn. Bê hebûna pêwendî û diyalogê, nakokî û nîqaşên jiyanê dibe sedema pêkhatina gellek

pirsgirêkan.

Ger jin û mêr di pêkanîna pêwendiyên hewce de bona

 çareserkirina pirsên di navbera xwe de xwedî şiyan nebin, heta pirsgirêkên wan ên herî biçûk jî nehên çareserkirin. Gotûbêj dibe sedema xurtbûn û pêşveçûna têkiliyan û herwiha îznê dide her du aliyan da ku di xwezî, nerehetî, hêvî û hezkiriyên xwe de bi hev re şirîk û hevbeş bin.

Bê hebûna gotûbêjan jin û mêr nikarin bi wî awayî ku hewce ye bi hev re nêzîk bin û tevî hev baş bin. Herwiha hebûna pêwendî û gotûbêjan, vê derfetê dide jin û mêran da ku pirsên xwe bi terzeke salim û eqlanî çareser bikin. Ger yek yan her du alî ji bo çareserkirina pirsên di navbera xwe de xwedî şiyan nebin, çareserkirina pirsên jiyanê gellek dijwar dibe. Ji ber ku vê demê her du alî nikarin qisên hevdu guhdarî bikin û hevdu fêm bikin. Ger zewacek tevî pirsgirêkan berbirû dibe, jin û mêr divê hemû şiyana xwe ji rêya gotûbêj û qinaetpêanînê bikar bixin da ku jiyana xwe rizgar bikin.

Hebûna pirsgirêkên aborî jî yek ji sedemên veqetiyana jin û mêran ji hev tê hesibandin. Bi taybetî zext û kirîzên ku di encama pirsgirêka han de pêk tên di vîwarî de gellek bibandor in. Livîn û tabkirina pirsgirêkên aborî, karekî gellek zehmet e ku zext û givaşeke zaf bo her du aliyan pêk tîne.

Zext û givaşên han bi tenê dikare bingehên jiyaneke salim têk bişkîne. Heke yek ji aliyên zewacê girîngiyeke zaf bide pirsgirêkên aborî, nikare aliyên din yên zewacê bibîne û wan jî li ber çav bigire.

Karê han dibe sedem ku aliyê din yê zewacê wiha bifikire ku ji aliyê hevjîna/ê xwe îdî girîngî pê nahê dan û eva gellek bitirs e.

Hinek caran hawîrdor û mercên têkildar bi zewacê jî dibe sedema têkçûna jiyana hevbeş. Zewicînên meslehetî, ne zewacên salim in. Dema ku zewacek li ser bingeha hezkirineke rastîn pêk nehatibe, haleta dan û standinekê bi xwe ve digire. Bo mînak ew zewacên ku her du alî bi sedema zext û givaşên malbat, xizm û kes û dostên xwe neçar in qebûl bikin, yan hinek kes ku ji ber hebûna zarokan dizewicin. Sedemên han ne nîşaneya salimbûna zewacan e û bêşik zewacên han tevî têkçûnê berbirû dibin. Yek ji sedemên din ên berdanê zû zewicîn e. Piraniya pisporên warê civakî li ser vê baweriyê ne ku zewicîn di nûciwanî û temenê 20 saliyê de ne baş e û kesên ku di vê temenê de dizewicin, nikarin bi awayekî eqlanî tevî pirsên jiyanê bilivin û biçûktirîn pirsgirêk dikare bingeha jiyanê têk bide.

Bi kurtî hebûna lawazî di pêkanîna pêwendiyan de û pirsgirêkên aborî û herwiha rewşa hawîrdor ji sedemên girîng yên têkçûna zewacan tên hesibandin.