Li gor raporekê ku li ser daxwaza Rêxistina Neteweyên Yekbûyî ve hatiye belavkirin, jin di pirraniya welatên cîhanê de, tevî newekhewiyê berbirû ne.

 Di rapora han de hatiye destnîşankirin, eva di halekê de ye ku 185 welatên cîhanê heya sala 2005’an, soz dabûn yasayên ku ferq û cudahiyê dixin nava jin û mêran de, betal

bikin.

Rapora han zêde dike ku %70 ji xizanên cîhanê jin  in û jin tenê xwediyê %1 ji erdên belgedar di cîhanê de ne.

Ev rapore ku ji bo Luîz Arbor, Komîsara Mafê Mirovan a Saziya Neteweyên Yekbûyî hatibû amadekirin, dibêje ku hêj tecawuz di çarçoveya jiyana hevbeş di 53 welatên cîhanê de weke sûç nahê hesibandin.

 Xatûna Forîde Banda ku rapora han amade kiriye, di konferanseke çapemeniyê de li Jenevê got: “Hin yasayên din ku li dijî jinan ferq û cudahiyan pêk tînin weke qanûnên pêwendîdar bi jihev veqetiyanê, îmtiyaz û hevkariyên piştî zarokbûna jinan û mafê xanenişîniyê ne.

Ev, rapora pêşniyarê dide ku mekanîzmek nû derheq xebat li dijî ferq û cudahiyan pêk were, çunku yasayên heyî yên mafê mirovan a Rêxistina Neteweyên Yekbûyî û Konvansyonên navneteweyî li berçav nahê girtin.