Zavayê 28 salî li herêma Fûmen a Bakûrê Îranê ji bo bicihanîna kevneşopa Pêxemberê Îslamê li rojekê de du keçên 24 û 27 salî ji xwe mare kirin.

 Her çiqas ku axaftinên zaf li ser zava û her du bûkan de hene, lê li gor agehiyan zava pêwendî bi bûka 27 salî ve hebûye û kes jî pê nehesiya ye. Her di wê demê de malbata zava jî keçeke 24 salî ji kurê xwe re dibînin û li dijî bûka 27 salî derdikevin.

 Di encama vê nerazîbûnê de keça 27 salî gefa xwekuştinê dike.

 Piştre zava dikewe nava dudiliyê  û nizane ku kîjan ji wan hilbijêre. Aqibet biryara xwe dide û ji wan re dibêje ku  amade ye bi herduyan  re bizewice. Her du keç jî yan li neçarî û yan jî... razî dibin bi zewaca bi wî re!!