|
ku derheq kar û
xebatên vê komê tevî rêzdar Şehram Hemîdzade rahênerê vê komê,
hevpeyvînekê çê bikin. Niha jî kerem bikim em û hûn bi hevre vê hevpeyvînê
bişopînin.
Kekê Şehram, kerema xwe di destpêkê de hindek derheq govend û dîlana Kurdî ji
xwendevnên hêja yên Agirî re bipeyive?
Çand û kultur yek ji pênaseyên herî bingehîn in ji bo nasandina her gel û
neteweyekê. Gelê Kurd jî di warê çand û folklorê ve yek ji wan neteweyên herî
zengîn e. Bi baweriya min piştî şoreşên gelê Kurd, çand û kultur yek ji hegerên
herî bingehîn yên mana gelê Kurd weke neteweyeke bêdewlet bûye. Herçiqas neyarên
Kurdan cehda asimîlekirin û ji navbirina çand û mîratên Kurdan kirine, lê xortên
Kurdan hertim bi pêşkêşkirina wan mîrasên zengîn, nehêlane merem û pîlanên biyom
yên neyarên Kurdan biserkevin. Ez dikarin bêjim govenda Kurdî yek ji hunerên
herî binav û deng yên cîhanê ye. Bo vê rastiyê jî em dikarin îşare bi koma
govenda Şaho bi rahênana kekê Elî Zehirniya li Rojhilatê Kurdistanê bikin ku di
Festîvala Navneteweyî a Yûnanê de karî pileya yekemîn bi dest bîne.
Çawan û kengê bû ku koma govenda Şeva Yelda hate avakirin?
Her wek dizanin Komîsyona Perwerde û Lêkolîn a PDK Îranê ewa çaremîn festîvala
govend û dîlana Kurdî ye ku birêve dibe. Di birêveçûna duyemîn festîval a sala
1999’an de bû ku daxwaz ji hemû herêmên Kurdistana Rojhilat hate kirin ku bo
zêdetir giringîdan û zindîkirina govend û dîlanên Kurdî beşdarî vê festîvalê
bibin. Ewa bû ku koma Şeva Yeldayê a ser bi herêma Bakûra Rojhilatê Kurdistanê
bi merema pişikdarîkirin di vê festîvalê de hate avakirin û eva bû destpêkek ji
bo avakirina koma Şeva Yeldayê.
Armanca we ji avakirina vê komê çi bû?
Di rastî de ez dikarim bêjim ku avakirina koma Şeva Yeldayê bizavekî hunerî a
dîrokî bû di bakûrê Rojhilatê Kurdistanê de. Ji ber vê çendê ku di vê herêmê de
heya berî avakirina Şeva Yelda’yê tu kom û komeleyek nebû ku bi awayekî zanistî
û ektîv xizmetê bi govendên windabûyî ên wê herêmê bikin. Lê me bi sehkirin bi
vê kêmasiyê hewce zanî ku bi avakirna Koma Şeva Yelda bi awayekî zanistî û ektîv
bo zindîkirin û nasandina çand û kultura Kurdî û bi taybet gelê xwe di vê herêmê
de xizmetê bikin.
Koma we ji aliyê çi hêz û rêxistinekê we tê piştewanî kirin?
Ji ber vê çendê ku endamên Şeva Yelda Hemû endam û alîgirên PDK Îranê ne, bêşik
ew kome jî, ji aliyê wê partiyê we tê piştgirîkirin.
Armanca we ji hilbijartina navê Şeva Yelda çi bû?
Di rastî de hilbijartina navê her sazî, rêxistin, komeke govendê û wd... naverok
û cevhera vê komê zêdetir dide xuyakirinê, lê me jî bi berçavgirtina hin têdîtin
û lihevkirinên taybetî, şeva li dayîkbûna lehengê navdar ê Kurd, Sekreterê Giştî
yê PDK Îranê, Dr. Ebdulrehman Qasimlo, ku di şeva yelda (şeva yekem a çileyê
zivistanê) de hate dinê, weke navê komê hilbijart.
Çi xebat û çalakiyên we heya niha hatine pêşkêşkirin?
Kar û çalakiyên me gelek in lê ezê bi kurtî qala hin çalakiyên sereke ên wê komê
bikin: 1. Pişikdarîkirina ektîv a vê komê di 3’ê festîvalan û bidestxistina du
caran pileya yekemîn û cerekê jî pileya duyemîn, 2. Pişikdarîkirin di çendîn
bernameyên televîzyonî de, bi taybet di Kurdistan Tv û Zagros Tv de, 3. Çêkirina
çendîn kilîpên hunerî ji bi hunermendan bi awayên cur bi cur.
Koma Şeva Yelda di Çaremîn Festîvala Govenda Kurdî a Kurdistana Îranê de weke
koma yekemîn hate dîharîkirin, gelo hûn weke rahînerê vê komê vê serkevtinê
çawan dinirxînin?
Ez berî her tiştê vê serkevtinê ji tev endam û alîgirên koma Şeva Yelda û bi
taybetî hogirên govend û dîlana Kurdî pîroz dikim. Di rastî de ez di vê
festîvalê de weke yek ji endamên heyeta daweran hatibûm dîharîkirin, lewra me li
ber vê çendê yek ji endamê komê bi navê Cawîd Esxerî weke rahênerê komê dîharî
kir. Lê ez serbarê destxweşî û aferîn ji bo navhatî û tev endamên koma Şeva
Yelda, hêvîxwaz im ku ev serkevtine bibe hêvênek ji bo ektîvbûn û berfirehkirina
kar û xebata vê komê. Bê şik ev serkevtine jî li gor rêk û pêkî û ciwanî û
zafbûn û zengîniya dîlanên Kurdî û hunernimayiya endamên komê hatiye dîharîkirin.
Çaremîn Festîvala Govenda Kurdî a Kurdistana Îranê çawa birêve çû?
Rêveçûna vê festîvalê karekî gelek hewce û bi cî bû, ji ber ku her wek min di
destpêkê de îşare pê kir, neyaran hertim cehda ji navbirina çand û kultura Kurdî
kirine, lê bi birêvebirina wan cure festîvalane ev mîrate tê parastin û berev
pêşve diçe. Bi baweriya min festîvala çaran yek ji festîvalên herî serkevtî bû.
Di festîvala vê carê de bo cara yekemîn bû ku nêrîn û dîtinên beşdaran derheq
nirxandina govendan dihate berçavgirtin, ya duyem eva ku her komek di destpêkê
de sinaryoyek weke folklorî vê herêmê birêve dibir, ku ewa jî nîşana guhartin û
giringîdana zêdetir bi çand û kultura Kurdî bû.
Hûn bi giştî astê pêşveçûna kar û xebata kom û navendên çandî yên taybet bi
govend û dîlana Kurdî çawa dinirxînin?
Bi baweriya min karên gelek baş û bibandor di vê derheqê de hatine kirin.
Zindîkirin û parastina govendên Kurdî ji xalên herî erênî yê wan kom û
rêxistinan bûye. Lê mixabin xala herî lawaz ku ez di vê derheqê de dibînim ewa
ye ku heya niha bi awayekî zanistî û teorîk li ser govend û dîlanên Kurdî tu
lêkolîn û pirtûkek nehatiye nivîsandin. Lê ez hêvîxwaz im ku di pêşerojeke nêzîk
de pispor û şarezayên wî warî lêkolîn û ceribînên hewce di vê derheqê de bi kar
bînin.
Armanc û pilanên wê yên pêşerojê çine?
Em dixwazin di pêşerojê de astê kar û xebatê xwe berfirehtir bikin û hewl bidin
ku bi beşdarîkirin di festîvalên navneteweyî de vê mîrata zengîn a gelê xwe bi
awayekî zanistî û bi kiryar bi cîhanê bidin naskirinê.
Gotina we ya dawiyê ji bo heval û hogirên govend û dîlana Kurdî çiye?
Ez ji tev û hogir alîgirên govend û dîlana Kurdî daxwaz dikim ku bi hemû awayekê
bo parastin û zindîkirina mîrata bab û kalên me xebat û tekoşînê bikin. Herwiha
ez daxwazê ji hemû dîlanzanên Kurd dikim ku bi bêy destêwerdan û guhartina
govendên folklorî yên Kurdî, bo pêşvebirin û parastina wan xemsariyê nekin.
Kekê Şehram, gelek sipas ku we dema xwe bi me mere veqetand?
Sipas ji bo we jî ku ev derfeta da min ku ji rêya rojnameya Agirî ve derheq
govend û dîlana Kurdî û herwiha derheq dîroka koma Şeva Yelda û kar û xebata vê
komê nêrîn û dîtinên xwe bînme ziman. |
