Roja çarşem, 19.03.2008’an, rê û resma cejna Newrozê, bi beşdariya birêz Mistefa Hicrî, Sekreterê Giştî yê PDK Îranê, endamên rêberî ên PDK Îranê, Kadro û Pêşmerge û malbatên wan, di binkeya Deftera Siyasî a partiyê de hate lidarxistin.

 Rê û resm bi sirûda “Emro jî Salî Taze ye”(Îro jî sala nû ye), ji aliyê girûpa hunerî a YJDK Îranê ve destpê kir.

 Piştre Mistefa Hicrî, peyama newrozî a xwe pêşkêş kir.

 Li doma rê û resmê de, Farûq Soltanî, stranek pêşkêşî beşdaran kir.

 Piştre hunermend Şervan ku ji bajarê Wan li Bakûrê Kurdistanê ve beşdarî rê û resmê bibû, çend stranên xweş pêşkêşî beşdarên rê û resmê kir.

 Her wiha peyama du saziyên YJDK Îranê û YCDK Îranê, bi hinceta cejna Nerwozê, ji aliyê xatûna Ronak Fatihî ve hate xwendin.

 Rê û resm bi pêşkêşkirina peyama Kerîm Perwîzî, Sekreterê YXDK Îranê, bi hinceta serkevtina yekemîn kongireya vê saziyê a bi navê RABÛN û her wiha bi hinceta hatina cejna Newrozê, dom kir.

 Piştre agirê Newrozê ji aliyê Mistefa Hicrî û keça şehîdekî ve hate hilkirin.

 Rê û resma han di nava govend û dîlana beşdaran de, bidawî hat.