Rêxistina Çalakên Mafê Mirovan li Îranê da zanîn ku 7 hevwelatiyên Kurd li bajarê Bane bi salek cezayî zîndana “tezîrî” û 2 saln zîndana “telîqî” hatim mehkûmkirin.

 7 hevwelatiyên Kurd bi navên Sidîq Emînnejad, Saman Resûliyan, Ebdulah Rencberî, Kawe Husênî, Mihemed Behramî, Restigar Misgerî û Mihemedemîn Qadirî ku di

xwenîşandanên sala 2005’an a bajarê Bane de ji aliyê hêzên rejîma Komara Îslamî a Îranê ve hatibû girtin û piştre bi dana rehînê serbest hatibûn berdan, roja 23.03.2008’an, ji aliyê dadgeha şoreşa bajarê Sin ve bi buxtana têkdana ewlehiya neteweyî û beşdarîkirin di xwenîşandanên neyasayî de, bi salek cezayî zîndana “tezîrî” û du salan cezayê girtîgeha “telîqî” hatin mehkûmkirin.

Hêjayî gotinê ye ku xwenîşandana bihara sala 2005’an a xelkê bajarê Bane, bona eyankirina nerazîbûnê li dijî kuştina sê hevwelatiyên Kurd ji aliyê hêzên rejîma Komara Îslamî a Îranê hatibû lidarxistin.