Roja duşem, 28’ê Nîsana 2008’an, civîna salane ya Koma Giştî a Rêxistina Neteweyên Yekbûyî li

 ser pirsgirêka xelkên xwecih di binkeya UN’ê li bajarê “New York”ê xebatên xwe dest pê kir.

Ev civata giştî ku sala 1994’an di nava Neteweyên Yekbûyî de pêk hatiye, di vê civînê de nûnerên piraniya xelkên xwecih ji hemû parzemînên cîhanê û nûnerên welatên cur bi cur ku xelkê xwecih

 hene û welatên endam ên NY û komîsyonên cuda cuda ên vê rêxistina navneteweyî û saziyên nedewletî ku têkiliya wan bi pirsgirêka neteweyan û xelkê xumalî û xwecih ve heye, beşdar bûn.

Di civîna roja duşem(28.04.2008) ku ji bo jîngeh û mafên xelkê xwecih hatibû terxankirin, piştî vekirina civînê ji aliyê Desteya Rêveber û axavtina şareza û pisporên vî warî, endamên mêvan pirs û pêşniyarên xwe raberî civînê kirin.

Şandeke PDK Îranê bi nûneriya Rêxistina Netewe û Gelên Bênûner(UNPO) pêkhatî ji Şerîf Bêhrûz, nûnerê PDK Îranê li Amerîka û Elî Qadirî, berpirsiyarê Komîteya vê partiyê li vî welatî bi awayekî çeleng beşdarî civîna han bûn. Şanda partiyê di navbera kar û xebatên vê civînê de karî bi gellek kesayetî, nûner û beşdarên vê civînê re hevdîtinan pêk bîne.

Civîna han heta 2’ê Gulana 2008’an dom dike û şanda partiyê jî li ser pirsa neteweya Kurd li Îranê di bin desthilata Komara Îslamî de dê gotarekê pêşkêş bike.