Li gor daxuyaniyekê ku ji deftera Rêxistina “RMMK”ê ve gihîştiye malpera “kurdistanmedia.com”ê, 250 çalakên sivîl, siyasî, xwendekarî û jinana nerazîbûna xwe derheq dana biryara îdamê ji bo sê çalakên Kurd ên bi navên Ferzad Kemanger, Ferhad Wekîlî û Elî Heyderiyan, ji aliyê dadgeha rejîma Komara Îslamî a Îranê eyan kirine.

 Van 250 kesan ku navê wan di dawiya daxuyaniyê de hatiye, her wiha nerazîbûna xwe ji îşkencekirina van sê çalakên Kurd ji aliyê rejîma Îranê ve şekere kirine. Wan her wiha daxwaz kirine ku biryara îdamkirina sê çalakên Kurd yên navhatî ji aliyê dadgeha rejîma Îranê bê betalkirin û lêkolîneke serbixwe derheq îşkencekirina Ferzad Kemanger bê encamdan.